Како што вештачката интелигенција (ВИ) сè повеќе навлегува во различни сектори, станува јасно дека многу професии ќе бидат автоматизирани. Бил Гејтс, кој со години го следи развојот на технологијата и нејзиното влијание врз општеството, предупредува дека вештачката интелигенција ќе има големо влијание на пазарот на труд.
Во неодамнешното интервју со Џими Фалон во емисијата „Тунајт шоу“ (The Tonight Show), ко-основачот на „Мајкрософт“ (Microsoft) рече дека вештачката интелигенција толку многу напредува што за помалку од десет години ќе имаме ситуација кога „луѓето повеќе нема да бидат потребни за повеќето работи“. ВИ, смета тој, ќе понуди врвна медицинска нега и образование, бесплатно и достапно за секого. Она што е ретко денес, како „одличен лекар“ или „одличен учител“, ќе стане стандард благодарение на менторите за вештачка интелигенција и дијагностичките системи.
Меѓутоа, Гејтс не мисли дека сите професии ќе исчезнат. Постојат полиња кои се премногу сложени, премногу зависни од човечката интуиција, одлучување и креативност за ВИ да може целосно да ги преземе.
Прочитај повеќе
Кога вештачката интелигенција станува сојузник на животот
Вештачката интелигенција со години е присутна во медицината, каде што се користи за автоматизирање на дијагностиката и за подобрување на третманот.
27.03.2025
„Опен еј-ај“ на прагот од рекорден круг на финансирање од 40 милијарди долари
„Опен еј-ај“ е на прагот на рекорден круг на финансирање во вредност од 40 милијарди долари, кој е предводен од „Софтбанк“, а вклучува уште неколку големи инвеститори.
27.03.2025
Маск, „Мајкрософт“ и „Блекрок“ влегуваат во проект за ВИ тежок 30 милијарди долари
„Мајкрософт“, кој вложи околу 13 милијарди долари во „Опен еј-ај“, сè повеќе развива ВИ надвор од тоа партнерство.
24.03.2025
Во Пекинг децата ќе одат на часови по вештачка интелигенција
Училиштата во Пекинг ќе воведат курсеви за вештачка интелигенција за учениците од основните и средните училишта.
09.03.2025
Апликации изработени со вештачка интелигенција ги преплавија агенциите за вработување
Агенциите се соочуваат со сè повеќе генерички изработени резимеа што личат едно на друго.
03.03.2025
Експерти за енергија
Гејтс веќе една деценија предупредува дека без зелена енергија нема ни зелена иднина. За него енергетскиот сектор не е само технолошки предизвик, туку и клучна точка во борбата против климатските промени и една од ретките области каде вештачката интелигенција нема да може да го замени човечкото расудување.
Тоа јасно укажува дека енергетскиот сектор е една од областите што ВИ нема да може целосно да ја автоматизира. Управувањето со светската енергетска инфраструктура не е само технички предизвик - тоа е и политичко, економско и еколошки минско поле.
Од нуклеарните централи до обновливите извори на енергија како ветерот и сонцето, светот зависи од експерти кои ја разбираат комплексноста на системите што нè напојуваат. Вештачката интелигенција може да помогне да се анализираат податоците, да се предвидат неуспеси и да се оптимизираат мрежите, но кога ќе се појави сериозна криза, само луѓето можат да донесат стратешки, информирани и етички одлуки.
Гејтс вели дека ВИ едноставно не е подготвена да управува со цели енергетски системи без човечка интервенција. Дури и во иднина кога се очекува ВИ да може да води предвидлива аналитика, човечкото расудување ќе остане клучно за донесување конечни одлуки.
Ова не е нова тема за Гејтс. Тој со години инвестира во развој на одржливи енергетски решенија и често нагласува дека без чиста енергија нема борба против климатските промени. Уште во 2015 година тој ја основаше „Брејктру енерџи“ (Breakthrough Energy), иницијатива насочена кон забрзување на иновациите во обновливите извори на енергија и намалување на емисиите на стакленички гасови. Преку оваа иницијатива тој поддржа голем број проекти, вклучително и „Зеро авија“ (ZeroAvia), стартап кој развива водородни мотори за авиони, со цел да ги направи воздушните патувања почисти и поодржливи.
Освен во обновливи извори, Гејтс инвестира и во напредни нуклеарни технологии. Неговата компанија „Тера пауер“ (TerraPower) развива нови генерации нуклеарни реактори кои за ладење користат течен натриум наместо вода, што е побезбедна и поефикасна алтернатива.
Во интервју за „Фалон“ (Fallon), тој рече дека се потребни евтини и одржливи иновации. Иако тој верува дека луѓето треба да бидат подготвени да платат повеќе за зелена технологија, сепак е свесен дека повеќето едноставно нема да го сторат тоа. За светот масовно да се префрли на почисто решение, тоа мора да биде поевтино од загадувачките технологии.
Програмери
Иронично, меѓу ретките кои ќе го преживеат бранот на автоматизација се токму тие кои ги развиваат алатките поради кои другите работни места исчезнуваат, а тоа се програмерите.
Вештачката интелигенција денес може да пишува едноставни парчиња код, па дури и цели програми. Но, Гејтс и другите експерти јасно кажуваат дека тоа не значи дека програмерите се непотребни. Кодот на ВИ често има грешки, недостатоци во логиката или безбедносни дупки што само човечки програмер може да ги идентификува и поправи. ВИ може да предложи решение, но самостојно не може да препознае дали тоа решение е добро, одржливо или етичко.
Гејтс истакнува дека побарувачката за квалификувани програмери само ќе расте. Во време кога сè повеќе компании ќе се засноваат на алатки и софтвер за вештачка интелигенција, клучни ќе бидат тие кои знаат како да ги развиваат, подобруваат и безбедно да ги интегрираат овие алатки во општеството.
Depositphotos
Биолози
Третата професија што Гејтс ја наведува како „отпорна на вештачка интелигенција“ се биолозите, односно научниците кои го проучуваат животот, болеста, генетиката и медицината.
Иако ВИ веќе игра голема улога во медицината, од дијагностика до анализа на големи бази на податоци, Гејтс предупредува дека вистинските научни откритија бараат нешто повеќе од анализа, а тоа се интуиција, креативност, експериментирање, правење хипотези и тестирање на непознатото. ВИ може да помогне, но не може да замени научник.
Нови терапии, лекови, генетски алатки и медицински откритија се создаваат во главите на луѓето, а не со алгоритми. ВИ може да понуди сознанија, но прашањето што треба да се постави, насоката на истражување што треба да се избере, заклучоците што треба да се извлечат, сè уште се човечки одлуки.
Познатиот милијардер верува дека биолозите и другите научници ќе ја користат ВИ како моќна алатка, но нема да станат вишок. Навистина, нивната улога ќе биде клучна во водењето на технологијата за вештачка интелигенција во областа на здравјето, генетиката и биотехнологијата.
Филантропот и иноватор оди чекор понатаму и предвидува дека вештачката интелигенција може да донесе толку голема ефикасност што нашата работна недела би можела да трае само три дена. Но, само за оние кои ја преживуваат транзицијата на пазарот. Имено, успехот во новиот свет на ВИ нема да се мери според старите критериуми, туку според способноста за брзо прилагодување, учење и соработка со технологијата. За тие кои ги игнорираат промените, ќе има сè помалку простор на пазарот на трудот.
.webp){kind=icon}
Во моментов нема коментари за веста. Биди прв да коментира...