Реалната плата во Македонија ќе расте во наредните месеци

Платите во Македонија продолжија реално да растат тринаесетти месец по ред. Во четвртиот месец, растот на просечната нето-плата беше нешто побавен во однос на претходните месеци, 9,1 проценти на годишно ниво (коригирана за ХИЦП) поради малку повисоката инфлација од претходните месеци.

Закрепнувањето на растот на вработеноста во првиот квартал годинава од 0,6 проценти во однос на истиот квартал лани како и падот на невработеноста од 3,9 проценти придонесуваат за раст на просечната нето плата. Исто така, иако инфлацијата се забрза минимално, сепак таа е многу пониска отколку на крајот на 2022 година, кога беше над 19 проценти, што го фаворизира растот на реалните плати.

Платите во Македонија во моментов се најниски во регионот Адрија, но растот во последните месеци ветува. Така, односот меѓу првата следна најниска плата (БиХ) се подобри од 92 проценти на крајот на 2022 година на сегашните 95 проценти. Значи, во моментов просечната нето плата во Македонија е 95 проценти од просечната плата во Босна и Херцеговина, додека во однос на најразвиената Словенија овој сооднос се зголемил во истиот период од 39 на 44 проценти.

Економијата на Македонија е сè уште слаба (раст на БДП во првиот квартал од 1,2 проценти), но со оглед на формирањето на Владата и очекуваниот прилив на странски директни инвестиции и со натамошниот одлив на работна сила во потрага по повисоки плати во соседството, очекуваме континуиран раст на реалната плата во наредните месеци.

Во моментов нема коментари за веста. Биди прв да коментира...

Остави коментар