Како Индија ги престигна Русија и Кина на врвот на Лондонската берза за метали

Рускиот алуминиум веќе некое време доминира со резервите на Лондонската берза за метали (ЛМЕ). Според последните извештаи на ЛМЕ, рускиот алуминиум зафаќа 65 проценти од резервите. Во еден дел тоа е резултат на зголемувањето на домашното производство, а во најголема мера на производството за воени цели. Имено, Русија забележа најголем раст на индексот на менаџери за набавка (PMI) во набљудуваната група. Тој порасна за 15,5 проценти во текот на 2021 година, додека индискиот порасна за пет проценти. Кина, поради разочарувачкото закрепнување по пандемијата, бележи пад од 1,8 проценти и стагнација во 2023 и 2024 година, во однос на Русија и Индија.

Тесно грло во магацините на ЛМЕ

Во вториот дел купувачите на берзата доброволно го избегнаа рускиот метал, а се создаде тесно грло и се натрупаа резерви во магацините на ЛМЕ. Трето, најголемиот руски производител на алуминиум - „Русал“, продолжи да произведува и пласира значителни количества (и покрај санкциите), создавајќи прекумерна понуда. На крајот Кина беше клучна за одржување на растот на Русија. Поради зајакнувањето на трговските врски меѓу Кина и Русија, се очекува Кина да апсорбира 70 проценти од годишниот извоз на алуминиум на Русија во 2024 година. Исто така, Кина нема толку голема потреба да го пласира својот метал на ЛМЕ, со оглед на нивниот фокус на локалниот пазар и локалната берза во Хонгконг (SHFE). Исто така, во текот на 2023 година, цените на SHFE беа повисоки отколку на Лондонската берза. Во истиот дух и со надеж за зачувување на понудата за домашниот пазар, Кина акумулира резерви на алуминиум и други метали.

Индискиот рецепт за развој на алуминиумската индустрија

Од друга страна, индиската алуминиумска индустрија е поддржана од поздравите фундаменти: силен домашен пазар (и робустен пазар на капитал), поволна регулатива, инвестиции во технологија, обновливи извори на енергија и достапност на суровини (големи резерви на боксит, примарен влезен материјал за производство на алуминиум). Тоа резултира со зголемување на уделот на индискиот алуминиум во резервите на ЛМЕ за 20 процентни поени (во мај 2024 година во споредба со мај 2023 година), а во апсолутна вредност за 151 процент, во истиот период.

Индискиот пазар на капитал е во подем

Фокусирајќи се на Индија, раздвижениот пазар на капитал ја илустрираше издржливоста на индиската економија. Нифти фифти (Nifty fifty), водечкиот индиски пазарен индекс порасна за 18 проценти во 2023 година. Од друга страна, индексот Ханг Сенг (Hang Seng) падна за 15 проценти. Производителите на алуминиум дадоа добар придонес за растот. Индустриските блучипови „Нешнл алуминиум“ (National Aluminium Co Ltd - NALCO) и „Хиндалко“ (Hindalco industries) забележаа силни двоцифрени добивки на цената на акциите. NALCO бележи значителен раст на приходите поради зголемените инфраструктурни проекти и достигнувањето рекордни нивоа на производство. Компанијата има обезбедено и закуп на рудникот за боксит, кој обезбедува снабдување со суровини. „Веданта“ (Vedanta LTD) е единствената индиска компанија во групата анализирани компании чии акции паднаа поради лошите перформанси и продажбата на акциите на нејзиниот најголем акционер, холдинзите „Твин стар“ (Twin Star). Во исто време, кинеската „Алумина“ и руската „Русал“ забележаа најголеми загуби во цената на акциите.

Главната сила на Индија на пазарот на метали е отпорноста на економијата, што доведе до зголемување на капацитетот на домашните производители. Растот во голема мера беше поттикнат од инвестициите во нови технологии и постројки, а субвенциите и даночните олеснувања ги направија инвестициите попривлечни за индиските производители.

Очекувања

Структурата на ЛМЕ е подложна на шпекулативни шокови и е исклучително нестабилна, така што водството на Индија во акциите на оваа берза беше минливо. Во секој случај, верувам дека индиската алуминиумска индустрија има солидна основа за понатамошен раст. Исто така, потрошувачката на алуминиум по жител во Индија (3,1 кг) е многу помала отколку во Кина (31,7 кг) и значително помала од светскиот просек од 12 килограми по жител, што нуди голем потенцијал за понатамошен раст. Најважните сектори за користење алуминиум: градежништвото, високоградбата и автомобилската индустрија растат и нудат дополнителна поддршка за производителите на алуминиум. Недостигот од квалификувана работна сила е предизвик за целта да се постигнат очекуваниот раст и квалитет на производите. Алуминиумот игра важна улога во зелената транзиција, а амбициозната стратегија на Индија дава ветер во грбот за домашната индустрија. Руската алуминиумска индустрија дополнително е поттикната од стабилната побарувачка од Кина. Застојот со руски материјал придонесе за колективниот проблем на индустријата - прекумерна понуда. Со оглед на тоа што поради санкциите купувачите го избегнуваат рускиот метал, решавањето на ситуацијата зависи од геополитички фактори. Очекувањата за индустријата се цените да бидат поблиску до дното и стапките на раст на цените, а со тоа и приходите на производителите на алуминиум да бидат на ниско едноцифрено ниво.

 

Во моментов нема коментари за веста. Биди прв да коментира...

Остави коментар