Заработките на европските компании се многу посилни одошто изгледаат

Европските компании остваруваат едни од најсилните резултати од заработката во последните години, поставувајќи ја основата за регионалните акции да достигнат нови рекордни максимуми, бидејќи аналитичарите стануваат пооптимистични за широк спектар на сектори.

Резултатите се силни според повеќето параметри: Заработката на акциите во индексот MSCI Europe скокна за 14 проценти, при што повеќе од половина од членките на индексот ги надминаа проценките за вториот квартал. И двете бројки се највисоки од почетокот на 2023 година, според податоците собрани од „Блумберг Интелиџенс“.

Секторот за стоки и суровини продолжува да дава голем придонес, благодарение на повисоките цени на нафтата. Но, дури и медијаната на акциите во индексот Stoxx 600 забележа раст на заработката по акција за 7 проценти во однос на претходната година, затворајќи ја разликата со нејзиниот еквивалент во S&P 500, според податоците од „Голдман Сакс“ (Goldman Sachs Group Inc).

„Растот на европските заработки и понатаму е доста посилен од општиот впечаток“, рече стратегот на „Голдман Сакс“, Питер Опенхајмер. „Консензусот влезе во оваа сезона попозитивен од вообичаеното, но сепак ја потцени силата на економските фундаменти.“ 

 

Bloomberg Mercury

 

Тоа е остар пресврт во однос на изминатите неколку години, кога компаниите известуваа за мал или никаков раст на профитот, бидејќи економскиот раст забави. Отсуството на технолошки гиганти во Европа, исто така, непропорционално им одеше во прилог на американските акции.

Сепак, овој пат инвеститорите добро ги наградија регионалните акции како што се ситни сезоната. Акциите на компаниите што ги надминаа проценките за заработка на аналитичарите го надминаа Stoxx 600 за просечно 1,6 процентни поени во следната трговска сесија, што е двојно подобар резултат од оној во  претходниот квартал, според податоците на „Ситигруп“ (Citigroup Inc.)

Движењата беа подеднакво драстични и за акциите што не ги достигнаа проценките. Тие остварија послаб резултат од референтниот индекс за 2,3 процентни поени, што е најнегативната реакција во последните четири години, според „Сити“.

Индексот како целина, сепак, е турнат кон рекордни нивоа, при што референтните индекси, вклучувајќи го францускиот CAC 40 и германскиот DAX, исто така, достигнаа нови максимуми. Stoxx 600 го надмина S&P 500 втор месец по ред и достигна уште еден дневен максимум во вторникот.

Bloomberg Mercury

 

„Инвестициското окружување во Европа е доста интересно бидејќи резултатите се заработуваат, а не се подразбираат“, рече Виолета Тодорова, виш аналитичар во „Левериџ Шерс“ (Leverage Shares). „Тоа е вистинска промена во однос на  европскиот пазар од последните години, кој беше ‘евтин со причина’.“

Stoxx 600 сега се тргува според очекуваниот однос на цената и заработката (P/E) од 15, што е над неговиот долгорочниот просек од 13, според податоците собрани од „Блумберг“. Релативната валуација на овој референтен индекс во споредба со S&P 500 - иако сè уште е со попуст - е највисока од јануари 2022 година.

Bloomberg Mercury

 

Како охрабрувачки знак, аналитичарите продолжуваат да ги зголемуваат очекувањата за добивката во широк спектар на сектори, што укажува на понатамошен раст на цените на акциите. Податоците на „Голдман“ покажуваат дека сите сектори освен основните ресурси и нетрајните потрошувачки производи објавија позитивни ревизии на добивката во јули, при што технологијата и енергетиката забележаа најсилни корекции нагоре.

Алпеш Пател, управувачки партнер во „РутБриџ Капитал“ (RootBridge Capital), рече дека посветлите изгледи за заработка имаат „поголема сила кога се придружени со јакнење на економската доверба, поголема државна потрошувачка и широка микс на финансиски, индустриски, одбранбени и инфраструктурни компании“.

„Европа не мора да стане Силициумската долина; само треба помалку да разочарува и да обезбеди прилика за влез на сите пари што бараат диверзифицирана приказна надвор од вештачката интелигенција и надвор од САД“, рече Пател.