Доларот ја прекина дводневната загуба, а светските берзи беа со мешан резултат во пресрет на американските избори на средината од мандатот и податоците за инфлација. Фјучерсите за американските акции беа пониски, договорите за Европа флуктуираа, а индексите на азиските акции пораснаа, предводени од добивките во Јапонија.
Индексот S&P 500 порасна за еден отсто, а индексот Nasdaq 100, пак, падна за 1,1 отсто. Азиските берзански индекси завршија со промени од околу еден отсто, но дел од нив во зелената, дел во црвената зона.
Кинеските акции паднаа запирајќи го неодамнешниот раст, додека трговците го анализираат порастот на бројките на инфицирани со вирусот и официјалните коментари во врска со политиката на нулта ковид. Најголем пад забележаа технолошките компании во Хонгконг.
Пазарите се сконцентрирани и на изборите што треба да се одржат денеска, поради потенцијалниот застој на работата на Владата, што делумно беше добро за американските акции, но фокусирани се и на потрошувачките цени што треба да бидат објавени в четврток, а поради нивното влијание на политиката за зголемување на каматните стапки од страна на американските Федерални резерви (ФЕД).
USDEUR:CUR
USD
0,9999 EUR
почетна цена
0,998
претходна цена на затворање
0,998
промена од почетокот на годината
13,6586%
дневен опсег
0,00 - 0,00
опсег на 52 недели
0,86 - 1,05
Доларот оствари мала добивка во однос на сите свои валутни конкуренти. Индексот на „Блумберг“ за вредноста на доларот вчера падна за 0,4 проценти, продолжувајќи ја загубата од 1,7 отсто од петокот, што претставува негов најлош ден од март 2020 година.
Податоците за инфлацијата доаѓаат откако базичните индекси на потрошувачките цени во септември пораснаа повеќе отколку што се предвидуваше и се на највисоко ниво во последните 40 години. Дури и ако цените почнат да паѓаат, индексот е далеку над зоната на удобност на ФЕД.
„Инфлацијата расте. Можеби повремено ќе се спушта, но расте. Пазарот е малку несигурен, се надева на подобро, но всушност би требало да се подготви на најлошо“, вели Ричард Харис, извршен директор во „Порт шелтер инвестмент менаџмент“ (Port Shelter Investment Management) во разговор за Блумберг ТВ.
Сепак, мислењата се поделени за широките прогнози за пазарите и економијата. Главниот економист од „Голдман Сакс“ рече дека уште постои многу веројатен пат за американската економија да избегне рецесија. Марко Колановиќ од „ЈП Морган Чејс“ (JPMorgan Chase & Co) предупреди на ризик за акциите од тековните активности на ФЕД, а Мајк Вилсон од „Морган Стенли“ рече дека компаниите мора агресивно да ги намалат трошоците, вклучувајќи отпуштања, пред да стане ситуацијата пооптимистична.
.webp){kind=icon}
