Европските берзи го завршија денешното тргување во црвено по веста за забавувањето на економските активности во еврозоната.
Лондонскиот индекс FTSE падна за 0,97 отсто, германскиот DAX за 1,76, а францускиот CAC 40 за 0,56 отсто, додека Stoxx 600 кој го следи работењето на 600 најголеми компании во 17 европски земји, падна за 0,82 отсто.
Растечките цени на енергенсите и основните производи на стариот континент го сопреа опоравувањето по пандемијата. PMI (Purchasing Managers’ Index), индикаторот за економската активност на компаниите S&P Global во јуни падна на најниско ниво во последните 16 месеци. До тоа дојде како резултат на инфлацијата, енергетската криза, растечките трошоци за задолжување и падот на производството кој е забележан прв пат по две години. Покрај тоа, прогнозите за повисоки каматни стапки одново ја поттикнуваат загриженоста за јавните задолжувања.
Исто така, претседавачот со американските Федерални резреви, Џером Пауле, денеска соопшти дека неговата посветеност на борбата со инфлацијата е безусловна, и додаде дека американската економија може да се носи со зголемените камати. Ова, на некои од инвеститорите им даде знак дека ќе има дополнително зголемување на каматните стапки.
Европската валута набрзо потоа падна за 0,6 отсто, на ниво од 1,0499 долари за евро, а британската фунта падна за 0,3 отсто, на вредност од 1,2227 долари.
Десетгодишниот принос на германските државни обврџници падна за 21 базен поен, на 1,43 отсто, додека во Велика Британија е забележан пад за 18 базни поени, на 2,32 отсто.
.webp){kind=icon}
