.webp){kind=icon}
Кога станува збор за тргувања во однос на треската со вештачката интелигенција, еден глобален капитален фонд со врвни перформанси победува на големо со примена на несекојдневни идеи.
Ник Креган од „Ферлајт“ (Fairlight Asset Management) инвестира во компании за кои верува дека ќе бидат зајакнати од вештачката интелигенција или ќе бидат добро заштитени од нејзините последици. Тоа е убедување што му помогна на неговиот фонд „Ферлајт глобал“ (Fairlight Global Small & Mid Cap) да се зголеми за 24 отсто во текот на изминатата година, надминувајќи 97 отсто од конкурентите, според податоците собрани од „Блумберг“.
„Не се обидуваме да го избереме победникот во вештачката интелигенција, мислиме дека тоа е како игра со шолји“, рече Креган во телефонско интервју. „Има некои водечки компании, за кои мислите дека ќе бидат победници, а потоа одеднаш ќе се појави некоја интересна технологија што целосно ќе го смени тој бизнис“.
Вжештениот интерес за вештачката интелигенција започна по лансирањето на ЧетГПТ (ChatGPT) минатата година и се засили како што компаниите се трка да најдат конкурентни алатки и сродни производи. Многу инвеститори ја гледаат технологијата како предвесник на револуција во начинот на работа на некои компании и сектори. Индексот Nasdaq Composite се искачи за 31 отсто во 2023 година, а технолошките акции помогнаа поширокиот индекс S&P 500 да порасне за 15 отсто.
Depositphotos
Германската онлајн берза „Скаут 24“ (Scout24 SE), со раст од 26 отсто досега, е меѓу водечките акции на фондот со седиште во Сиднеј. „Вештачката интелигенција треба да ѝ помогне на компанијата да ги продлабочи цените и да ги анализира трендовите на пазарот, но веројатно нема да ги замени прикачените податоци и базата на клиенти на страницата“, вели Креган. Компанијата веќе е лидер на пазарот и вештачката интелигенција само ќе ја оптимизира ефикасноста на нејзината страница и цените, верува тој.
Тој исто така поседува акции во „Копарт“ (Copart Inc), веб-страница за поправливи и половни возила со седиште во САД, од слични причини. „Копарт“ порасна за 43 отсто во 2023 година.
Фондот од 900 милиони австралиски долари (612 милиони американски долари) го поседува и „Нордсон“ (Nordson Corp), производител на опрема за издавање топло топено лепило што се користи во индустриски средини, со очекување дека ќе има корист од зголемената побарувачка за микрочипови. Акциите се малку променети досега оваа година.
Чиповите се составуваат со „микроскопски капки лепило и тоа мора да се направи со прецизност“ и брзина, објаснува тој. „Вештачката интелигенција ќе му помогне на 'Нордсон' да ја развие таа технологија со која има почетна предност во однос на механиката како функционира тоа“.
Работата на фондот, лансиран во 2018 година, е поткрепена со атрактивни вреднувања на акции со малa и среднa капитализација од основањето, според Креган. „Тие се особено евтини во моментов“, рече тој, додавајќи дека ги задржува своите пари во готовина блиску до нула и бара можности во Британија и Германија.
