Азиските берзи флуктуираа откако американските акции и обврзниците паднаа поради нови знаци на отпорност на пазарот на трудот што може да поддржи уште едно зголемување на каматните стапки оваа година.
Акциите во Јапонија имаа мешани перформанси, додека оние во Јужна Кореја и Австралија паднаа. Референтните индекси во Хонг Конг и континентална Кина се зголемија, при што акциите поврзани со потрошувачите имаа најдобри перформанси во индексот CSI 300 откако кинеската влада објави некои мерки за поддршка на потрошувачката, вклучително и за домашни апарати и купување автомобили.
Договорите за американските акции се тргуваа во тесен опсег, откако во четвртокот технолошкиот индекс Nasdaq 100 падна најмногу во последните речиси пет месеци.
Падот на американските акции го притиска копчето за пауза на овогодинешното засилено рели, при што S&P 500 порасна за 18 проценти, а Nasdaq 100 за 41 процент, наспроти несигурната економска перспектива за време на агресивната кампања на ФЕД.
Некои инвеститори очекуваат да видат уште повеќе мерки за поддршка во Кина на крајот на месецот.
„Може да дојде до дополнителни стимулативни мерки по состанокот на Политбирото (28-30 јули), но обемот и целните области останува да се потврдат“, напишаа во белешката стратезите на „Морган Стенли“, вклучително и Лаура Ванг.
Bloomberg
Сепак, со оглед на тоа што прудентните и балансирани политики може да резултираат со подолго одлучување и преземање активности, „гледаме дополнителен надолен притисок врз корпоративната заработка во текот на следните еден до два квартали“, велат тие.
Вредноста на офшор јуанот малку се промени откако Народната банка на Кина повторно го постави своето дневно одредување на валутата на ниво кое беше посилно од проценетото. Офшор јуанот скокна во четвртокот откако централната банка ја засили својата поддршка.
„Откако нашиот поглед за враќањето на кинескиот раст ќе се засили јуанот треба да добие на цена“, рече Абилаш Нарајан, висок инвестициски стратег во „Стандард Чартерд“ (Standard Chartered Wealth Management) на телевизијата Блумберг. „Имаме цел од 7,0 до 7,08 за CNH на хоризонтот од 12 месеци“.
Доларот и обврзниците беа малку променети во Азија. Неочекуваните знаци за намалување на невработеноста ги поттикна трговците да се обложуваат на повисока шанса за зголемување на каматната стапка за четвртина поен на состанокот на Федералните резерви следната недела, што вчера влијаше на зголемување на доларот и приносот на 10-годишните обврзници.
Јенот ги избриша своите добивки. Валутата претходно порасна откако Јапонија објави инфлација која беше малку повисока од проценките во јуни. Најновите податоци ќе претставуваат предизвик за претставниците на Банката на Јапонија бидејќи гувернерот Казуо Уеда продолжува да го поддржува рецептот за постојан монетарен стимул.
Индексот на стоки на „Блумберг“ бележи трета неделна добивка, по порастот на цените на пченицата по ескалацијата на тензиите меѓу Русија и Украина во Црното Море. Фјучерсите за природен гас во Европа и САД, исто така, ќе достигнат близу 10 проценти добивка оваа недела бидејќи екстремната топлина ја зголемува побарувачката за електрична енергија за климатизација. Нафтата треба да оствари четврта неделна добивка, додека златото се повлече од највисокото ниво во последните два месеци поради неодамнешното јакнење на доларот.
.webp){kind=icon}
