.webp){kind=icon}
Акциите напредуваа и затворија на ново највисоко ниво на сите времиња, заокружувајќи петта последователна недела на добивки. Од најниското ниво во пандемијата, во март 2020 година, реперот во САД се зголеми повеќе од двојно, поттикнат од облозите за т.н. меко приземјување и еуфоријата за вештачката интелигенција. Всушност, растот во петокот беше поттикнат од највлијателната група на индексот - технологијата - а Nasdaq 100 порасна за еден отсто.
„S&P 500 е најдобриот барометар за доверба во моќта за заработка на корпоративна Америка и силата на економијата“, рече Џорџ Бол, претседател на „Сандерс Морис“ (Sanders Morris). „Насоката на S&P 500 одразува дали економијата и заработката се подобруваат или се влошуваат“.
Неколку дена пред објавување на податоците за клучниот индекс на потрошувачки цени (CPI), инвеститорите здивнаа додека владиниот извештај - кој обично пазарите го игнорираат - ги потврди податоците за инфлацијата од крајот на 2023 година.
Прочитај повеќе
Фед нема да ги намали стапките во март, без разлика што вели историјата
Оние што се обложуваат дека Федералните резерви (Фед) ќе ги намалат каматните стапки во март можеби полагаат преголема надеж во историјата.
17.01.2024
„ЏП Морган“: Фед може да ги намали стапките повеќе од очекуваното
Во претходните месеци имаше голема дебата за тоа колку Фед ќе ја намали референтната каматна стапка.
11.01.2024
Непосредно по податоците, обврзниците се зголемија - но брзо го сменија тој потег. Двегодишниот принос се врати на нивоата што беа пред декемврискиот пресврт на Фед. Претседателот на Фед во Атланта, Рафаел Бостик, рече дека е „ласерски фокусиран“ на враќање на инфлацијата до целта, а неговата колешка од Далас, Лори Логан, рече дека не гледа итност за намалување на стапките.
За Дејвид Донабедијан од ЦИБЦ (CIBC Private Wealth US), сегашната економска заднина го поддржува нагорниот момент на Волстрит.
„Пазарот пивотираше од убедувањето дека Фед ќе биде неговиот спасител до ставот дека нема потреба од спасител, бидејќи економијата го поддржува“, истакна Донабедијан.
Според Адам Турнквист во ЛПЛ (LPL Financial), перформансите на индексот биле позитивни по достигнувањето големи пресвртници. „Во последните девет, индексот објави 12-месечен просечен принос од 10,4 отсто - при што 78 отсто од случувањата дадоа позитивни резултати“, истакна тој.
„Затворањето над ова внимателно следено ниво несомнено ќе биде во центарот на вниманието и дополнително ќе го поттикне стравот од пропуштање“, забележа Турнквист. „Надвор од потенцијалното засилување на расположението, заокружените броеви како 5.000 често обезбедуваат психолошка област на поддршка или отпор за пазарот“.
Засега тоа е „само голем заокружен број“, според Мет Мејли во „Милер табак“ (Miller Tabak + Co).
„Се разбира, ако пазарот се сврти на некаков значаен начин од ова ниво, тоа ќе ги промени работите“, истакна тој. „Падот од ова ниво ќе го направи ново клучно ниво на отпор. Во секој случај, берзата забележа прекрасен раст годинава. Значи, освен ако некој пад не стане значителен, тоа нема да значи многу за големата слика“.
Претходното големо достигнување од 4.000 индексот го оствари на 1 април 2021 година, откако Фед ги намали стапките на речиси нула, владата испумпа стимулативни средства во економијата, а вакцината против ковид-19 поттикна оптимизам за економски раст по пандемијата.
S&P 500 досега годинава порасна за околу 5,4 отсто. Индексот скокна за 24 отсто во 2023 година, при што акциите силно пораснаа на крајот на годината, бидејќи растеше оптимизмот дека Фед би можел да постигне меко приземјување или да ја намали инфлацијата без да предизвика економски пад.
