.webp){kind=icon}
Европските берзи пораснаа откако креаторот на политиката навести дека може да дојде до уште две намалувања на каматните стапки во еврозоната оваа година.
На отворањето на тргувањето Stoxx Europe 600 порасна за 0,4 отсто, предводен од технолошкиот сектор по закрепнувањето на акциите на „Енвидија“ што вчера помогна во јакнењето на S&P 500. „Дојче пост“ порасна за повеќе од 3 отсто по прогнозата за големиот профит на американската компанија „Федекс“.
Во отсуство на позначајни податоци од еврозоната денеска, трговците се потпираат на сигналите за политиката. Очекувањата на инвеститорите дека Европската централна банка двапати ќе ја олабави монетарната политика оваа година се фер, според членот на Управниот совет Оли Рен, кој додаде дека официјалните лица не треба претерано да ја забавуваат економската активност.
ЕЦБ почна да ги намалува стапките овој месец по историскиот циклус на покачувања за да ја скроти најлошата инфлација во еврозоната досега. Оттогаш, повеќето функционери се претпазливи за тоа што ќе се случи следно – со оглед на неодамнешниот пораст на потрошувачките цени, упорно високите зголемувања на платите и геополитичките тензии.
Фјучерсите на американските акции пораснаа, што покажува дека растот на технолошките компании на Волстрит – поттикнат од скокот на „Енвидија“ за 7 отсто вчера – сè уште дава поттик. Приносот на 10-годишните државни записи се движеше околу 4,26 отсто, а вредноста на доларот беше стабилна. САД ќе продадат 70 милијарди долари петгодишни државни благајнички записи подоцна денеска, по вчерашната солидна аукција на двегодишни записи.
Bloomberg Mercury
Индексите во Јапонија и Хонгконг пораснаа, додека оние во Австралија паднаа. Приносите на австралискиот долар и обврзниците се зголемија откако бројките за инфлација сугерираа дека ценовните притисоци остануваат тврдоглаво силни и го зајакнаа уверувањето централната банка да продолжи да ги зголемува каматните стапки.
Јенот се задржа веднаш под психолошки важното ниво од 160 во однос на доларот, чие прекршување веројатно ќе ја зголеми загриженоста за интервенција.
Приносот на 10-годишната кинеска обврзница падна на најниско ниво во повеќе од две децении, бидејќи инвеститорите се свртија кон хартии од вредност со фиксен приход поради загриженоста за забавување на економијата во очекување за дополнителни стимулации.
Кај суровините, нафтата поскапе пред извештајот на американската влада за резервите на сурова нафта и побарувачката за гориво. Бакарот падна на најниско ниво за повеќе од два месеци, при што цените се соочуваат со континуиран притисок од невообичаено слабата кинеска побарувачка. Промените кај златото се мали.
