Во две блок трансакции со вкупна вредност од 415 милиони денари (6,7 милиони евра) денеска на Македонската берза се истргуваа вкупно 43.700 акции од „Македонијатурист“ АД Скопје коишто претставуваат 9,84 проценти од основната главнина на друштвото.
Во првата блок трансакција вредна 293 милиони денари (4,7 милиони вера) се продадоа 29.942 акции коишто претставуваат 6,62 проценти од основната главнина на друштвото. Акциите се продадоа по цена од 9.795 денари за акција. Во втората блок трансакција вредна 122 милиони денари ( 1,9 милиони евра) се продадоа 14.558 акции коишто претставуваат 3,22 проценти од основната главнина на друштвото. Акциите во оваа трансакција се продадоа по многу пониска цена од 8.383 денари по акција.
„Блумберг Адрија“ вчера објави дека по низа мултимилионски блок трансакции во сопственичката структура на „Македонијатурист“ влезе „МГ Фешн“, компанија која е дел од „Фешн груп“. Имено, минатата недела пишувавме дека во девет блок трансакции со вкупна вредност од 315,2 милиони денари (5,1 милиони евра) на Македонската берза се продадоа вкупно 33.187 акции од „Македонијатурист“ АД Скопје. Станува збор за акции коишто претставуваат 7,34 проценти од од основната главнина на друштвото. Во сите блок трансакции акциите се продадоа по цена од 9.500 денари за акција.
Прочитај повеќе
„МГ Фешн“ влезе во сопственичката структура на „Македонијатурист“
Компанијата која е дел од „Фешн груп“ купила 7,69 проценти од вкупниот број акции од „Македонијатурист“.
11.11.2024
Продаден блок акции од „Македонијатурист“ за 9,1 милиони евра
Се продадоа 50.953 акции коишто претставуваат 11,27 проценти од основната главнина на друштвото.
30.10.2024
Тетовската „Изо стоне“ купи 6,62 проценти од акциите на „Македонијатурист“
Тетовската компанија им се придружи на уште пет акционери кои поседуваат над пет проценти од акциите во „Македонијатурист“.
14.10.2024
Продадени акции од „Македонијатурист“ за 2,1 милиони евра, берзата прашува што се случува?
Македонската берза побарала од компанијата одговор дали има необјавени ценовно чувствителни информации кои би влијаеле на цената на акциите.
07.10.2024
Доне Таневски ја зголеми сопственоста во „Македонијатурист“
Претседателот на Надзорниот одбор на „Македонијатурист“ АД Скопје, се стекна со 5.381 обична акција и сега поседува 105.829 обични акции од компанијата.
03.10.2024
Милионски блок трансакции со акциите на „Македонијатурист“ ја размрдаа берзата
„Македонијатурист“ е една од компаниите на Македонската берза што бележат континуиран раст на вредноста на акциите.
01.10.2024
Голем пакет на продажба: Кој ќе плати 7 милиони евра за акции во „Македонијатурист“?
Во пакетот практично се продава 9,83 отсто од основната главнина на друштвото, со почетна продажна цена од 9.800 денари по акција преку моделот „се или ништо“.
12.07.2024
Претходно пишувавме дека Соња Бибановска е акционерката којашто во блок трансакција на Македонската берза вредна 564 милиони денари (9,1 милиони евра) продаде 50.953 акции од „Македонијатурист“ АД Скопје коишто претставуваат 11,27 проценти од основната главнина на друштвото. Акциите се продадоа по цена од 11.070 денари за акција, којашто е значително повисока од просечната цена по која се тргуваа акциите на компанијата во изминатиов период. Со оваа трансакција Бибановска, излезе од сопствечката структура на „Македонијатурист“, а истовремено, Симеон Павлов, кој поседуваше 5,01 проценти од акциите сега поседува 8,19 проценти од вкупниот број акции.
„Блумберг Адрија“ неодамна пишуваше и дека тетовската градежна компанија „Изо стоне“ (Izostone) влезе во сопственичката структура на „Македонијатурист“. Според податоците на Централниот депозитар за хартии од вредност, тетовската компанија поседува 6,62 проценти од вкупниот број акции на „Македонијатурист“.
Засега нема промена кај останатите поголеми акционери кои поседуваат над пет проценти од акциите односно Доне Таневски поседува 23,4 проценти од вкупниот број акции, „Сава пензиски фонд“ поседува 8,8 проценти и „Македонијатурист“ посеудва 10 проценти од акциите.
.webp){kind=icon}