text size
Азиските и американските берзи денеска останаа во минус поради посветеноста на централната банка на САД - ФЕД, да продолжи со затегнување на монетарната политика во обид да ги спречи инфлаторните ефекти, намалувајќи ја подготвеноста на инвеститорите за тргување.
Азиско-пацифичкиот индекс на акциите MSCI падна за 0,5 отсто и доведе до загуби на сите главни пазари на капитал, освен Хонгконг и Кина каде што владиниот потег за намалување на каматните стапки им притекна во помош на развивачите на недвижности.
Од другата страна на Пацификот, истата ситуација. S&P 500 и Nasdaq 100 паднаа, а доларот беше на највисоки стапки на месечно ниво. Сето ова е показател за претпазливост на инвеститорите.
Bloomberg Chartmaker
Намалени се и државните обврзници во Австралија и Нов Зеланд.
Симпозиумот особено се следи бидејќи се смета за можност претседателот на ФЕД, Џером Пауел, да ги сврти пазарните очекувања со најава за побавно темпо на зголемување на каматните стапки. Ваквите најави придонесоа за неодамнешното закрепнување на пазарите на капитал, но останува можноста трајно зголемените ценовни притисоци да останат.
„Централните банкари, вклучително и претседателот на ФЕД, Пауел, веројатно ќе останат агресивни во својот пристап кон инфлацијата. Но, со оглед на претстојната економска криза, тие ќе го сторат тоа со малку поголема претпазливост“, напиша Шејн Оливер, шеф за инвестициска стратегија во AMP Services.
Во Кина, банките ги намалија своите едногодишни и петгодишни стапки на заеми по минатонеделната одлука на националната централна банка да ги намали каматните стапки.
Предизвици за Кина
Кинеската централна банка се стреми да постигне одреден пресврт за да има повеќе долгорочни кредити на пазарот, а банките да останат ликвидни, изјави Џинг Лиу, главен економист на HSBC за Кина, за Bloomberg TV.
Вториот по големина пазар во светот се соочува со забрана за движење поради зголемувањето на бројот на заразени со коронавирус, проблеми во бизнисот со недвижнини, а во исто време во индустрискиот центар во Сечуан владее недостиг на електрична енергија.
Продолжува падот на цената на нафтата
Кинеската побарувачка за нафта се очекува да падне, што ја доведе цената на нафтата под 90 долари за барел. Трговците на овој пазар будно ги следат преговорите за нуклеарниот договор со Иран, што може да значи и зголемување на залихите на „црно злато“ на пазарот.
.webp){kind=icon}
