„Бенк оф Америка“: Во 2026 многу инвеститори ќе се свртат кон пазарите во развој

Пазарите во развој веројатно ќе добијат поголеми приливи на почетокот на следната година бидејќи повеќе докази за отпорноста на овие економии поттикнуваат понатамошно поместување од американските средства, посочува „Бенк оф Америка“ (Bank of America Corp).

„Луѓето ќе станат многу пооптимистични на почетокот на следната година кога ќе добијат потврда дека влијанието на трговските тензии врз економијата ќе биде ограничено“, рече Дејвид Хаунер, раководител на секторот глобална стратегија за фиксен приход на пазарите во развој, осврнувајќи се токму на тие пазари.
„Дури и малите диверзификациски текови од САД можат да бидат многу значајни“, рече тој.

Bloomberg Mercury

 

Хаунер, кој одржува оптимистички став за пазарите во развој од првиот квартал, вели дека класата на средства ќе биде поддржана од слабеењето на доларот, просторот за повеќе намалувања на каматните стапки од страна на локалните централни банки и историски ниската изложеност од глобалните фондови.

И аналитичарите во „Морган Стенли“ (Morgan Stanley) велат дека странските купувања на средства на пазарите во развој досега се пригушени и очекуваат приливите да го поттикнат секторот во последните месеци од годината.

Коментарите го поткрепуваат оптимизмот кон пазарите во развој, при што инвеститорите се обложуваат дека класата на средства ќе ги надмине своите конкуренти на развиените пазари бидејќи глобалните фондови кои останаа настрана ги зголемуваат инвестициите во пазарите во развој. Долгот на развиените пазари веќе им донесе на инвеститорите поврат од речиси девет отсто оваа година, според мерачот на „Блумберг“, кој инаку порасна за 7,5 отсто.

Бразил, Мексико, Колумбија, Турција и Полска ќе бидат меѓу главните корисници на странските приливи, рече Хаунер. Азиските обврзници во локална валута веројатно ќе привлечат помалку пари бидејќи веќе ниските каматни стапки и претпочитањето за послаби валути во економиите предводени од извоз оставаат ограничен простор за добивки, рече тој.

Очекувањата дека Федералните резерви ќе продолжат со намалување на каматните стапки овој месец и загриженоста за царинските и фискалните политики на претседателот Доналд Трамп го оптоваруваат доларот. Мерачот на „Блумберг“ за вредноста на доларот падна за повеќе од осум проценти оваа година и е на пат да запише најголем годишен пад од 2017 година.

Мечкинските облози од страна на хеџ фондовите и другите шпекулативни инвеститори против светската резервна валута изнесуваа околу пет милијарди долари во неделата до 2 септември, според податоците на Комисијата за тргување со стоковни фјучерси. Тие се позиционирани негативно кон доларот од почетокот на април.

„Доларот постојано растеше, а американските пазари значително ги надминуваа очекувањата, па затоа никој не беше навистина заинтересиран за економиите во развој“, рече Хаунер од „Бенк оф Америка“. „Сега ќе има простор за диверзификација, а тек сме само на почетокот на тој процес“.

Во моментов нема коментари за веста. Биди прв да коментира...

Остави коментар