Последиците од пропаѓањето на Банката на Силициумската долина (СВБ) почнаа да се шират низ светот.
Додека во Калифорнија основачите на старт-ап компании френетично се обидуваат да најдат пари за да ги платат вработените, стравот од ширење на проблемот се појави во Канада, Индија и Кина. Во Обединетото Кралство, филијалата на СВБ може да биде прогласен за несолвентен. Шефовите на 180 технолошки компании во Велика Британија му пишаа на канцеларот на финансии Џереми Хант барајќи од него да интервенира.
„Загубата на депозитите може да го осакати секторот и да го уназади 20 години. Многу (старт-ап) компании може да завршат во несакана ликвидација преку ноќ“, пишуваат тие во писмото.
СВБ има операции во Кина, Данска, Германија, Индија, Израел и Шведска. Сопствениците на старт-ап компании стравуваат дека секторот може да биде збришан ако изостане владината интервенција.
„Кризата ќе започне во понеделник и затоа ве повикуваме да ја спречите“, стои во писмото до Хант, кој поради овој проблем веќе се сретнал со гувернерот на централната банка.
Основачот на лондонскиот биотехнолошки старт-ап „Охер Био“, Џек О'Меара, ја помина саботата обидувајќи се да ги извлече депозитите од СВБ, но безуспешно.
„Ако нема интервенција, тоа навистина би можело да збрише цела генерација претприемачки компании“, рече тој.
Американската агенција за осигурување на депозити (Federal Deposit Insurance Corp.) и Федералните резерви (ФЕД) размислуваат за формирање посебен фонд кој ќе им овозможи на регулаторите да ги заштитат депозитите во банките кои можат да наидат на проблеми поради колапсот на СВБ.
Тие се надеваат дека таквиот механизам ќе им даде сигурност на клиентите на банките и ќе помогне да се запрат какви било панични реакции, велат извори запознаени со предметот кои сакаа да останат анонимни.
.webp){kind=icon}