text size
На овонеделната седница на Федералните резерви (ФЕД) не очекуваме зголемување на каматните стапки, со оглед на тоа што ФЕД сега чека сигнали дека економијата (конечно) почнува да забавува. Со оглед на тоа што ФЕД се одлучи за „одлука водена од податоци“, сега ќе го прескокне зголемувањето на каматната стапка поради ова, бидејќи овие економски податоци ќе доаѓаат дури во наредните денови, што значи по овонеделната одлука на ФЕД. Тоа всушност ќе и даде простор на централната банка да го прескокне зголемувањето на каматните стапки и да одлучува за каматната политика по објавувањето на податоците во следниот месец.
Растот на БДП во третиот квартал е изненадувачки нагорен што всушност ја покажа отпорноста на американската економија на денешните геополитички и економски предизвици. Од друга страна, монетарната рестриктивност влијаеше на растот на каматните стапки како и на стабилизирањето на нивниот главен показател ПЦЕ дефлаторот (Personal Consumption Expenditure Deflator е мерење на инфлацијата на основа на промените во личната потрошувачка) што на последните две отчитувања остана на исто ниво од 3,4 отсто. Само еден пример за растот на каматните стапки се каматните стапки на кредитните картички, кои веќе се на ниво од 21 отсто, но повторно, фактот што јасно зборува дека терминалната стапка сè уште не е достигната е дека банкротите по основ на кредитните картички се на нивото од само 2,7 отсто, што е под историскиот просек. Во прилог на помалиот број на банкроти е и фактот дека расте бројот на Американци кои работат втора работа (и со скратено и со полно работно време), но и тука се уште не се достигнати рекордните бројки од 2019 година.
Каматни стапки и банкроти по кредитни картички, ББА аналитика
Силниот пазар на труд останува главен показател за евентуално дополнително зголемување на каматните стапки, имајќи предвид дека учеството на работната сила сè уште не ги достигнало врвовите од периодот пред пандемијата. Исто така, поради инфлаторното опкружување, како и недостигот на работници, бруто-платите пораснале над 26 отсто по работен час во последните пет години.
Пазар на труд во САД, ББА аналитика
Затоа, ако во наредните недели податоците покажат натамошна отпорност на американската економија, ако инфлацијата остане упорна (или дури ако изненади со движење нагоре поради растот на цените на енергијата) а пазарот на труд остане силен, тогаш уште едно зголемување на каматните стапки до крајот на годината е многу веројатно.
.webp){kind=icon}
