Поради зголемената загриженост за високата инфлација и нестабилноста на пазарот, богатите во Азијци стануваат претпазливи.
Луѓето со повеќе од милион долари инвестициски средства се репозиционираат кон приватните пазари за да ги заштитат своите средства од нестабилноста на пазарот, според овогодинешното истражување на швајцарската банка Lombard Odier за поединци со висока нето вредност во азиско-пацифичкиот регион (APAC).
Тие сè повеќе ги избегнуваат акциите и обврзниците и се фокусираат на нивните сопствени компании или средствата кои се сметаат за побезбедни, како што се златото и готовината. Во исто време, главно се држат настрана од криптовалутите, кои се покажаа како особено нестабилни.
„Инвеститорите од APAC стануваат поконзервативни во изградбата на нивното портфолио и се префрлаат на 'побезбедни' алтернативи и приватни средства, додека сè повеќе се диверзифицираат надвор од нивните локални пазари“, напиша во изјава Винсент Магненат, шеф за Азија во Lombard Odier. „Алоцирањето на средства во дигитален имот е исклучително ниско“, додаде тој на брифинг со новинарите во средата.
Падот на технолошките акции и високата инфлација во услови на зголемени каматни стапки намалија 1,4 илјади милијарди долари од кумулативното богатство на 500-те најбогати луѓе во светот во првата половина на 2022 година, според индексот на милијардери на Bloomberg. Тоа е пресврт од изминатите две години, кога великодушноста на централните банки во борбата против ефектите од пандемијата помогна да се зголемат нивните средства и личното богатство.
Порастот на инфлацијата и нејзините последици врз глобалната економија се најголемата грижа за 77 отсто од испитаниците, покажува истражувањето на Lombard Odier. Половина од нив се загрижени за нестабилноста на пазарот, што поттикнала дури 56 отсто да ја зголемат диверзификацијата. Богатите поединци во истражувањето исто така избегнуваат криптовалути, а 83 отсто од нив немаат никакви инвестиции во нив или поддржуваат такви средства со помалку од пет отсто од нивното портфолио.
Загриженоста за ниската ликвидност, особено кај постарите генерации, го нагласува ентузијазмот за приватните средства, соопшти оваа швајцарска банка. Се чини дека инвеститорите во регионот веруваат оти тоа им овозможува да направат структурни промени на регулиран начин и со контролиран ризик, се додава во извештајот. Богатите во Сингапур и Австралија го предводат овој тренд, при што околу 60 отсто од нив планираат да ги зголемат своите распределби на приватните пазари.
Lombard Odier, кој надгледува околу 358 милијарди швајцарски франци (367 милијарди евра) во имотот на клиентите на глобално ниво, анкетираше повеќе од 450 лица со висока нето вредност помеѓу мај и јуни кои живеат во Сингапур, Хонгконг, Јапонија, Тајланд, Филипините, Индонезија, Тајван и Австралија.
„Загриженоста поради недостатокот на видливост, нестабилноста и подготвеноста да се управува со нив е хомогена на сите пазари и за сите возрасни групи“, вели Жан-Франсоа Абулкер, шеф на филијалата на банката во Азија за поединци со ултра висока нето вредност.
.webp){kind=icon}
