Нафтата се движи кон најголемиот неделен раст од март

Цената на нафтата се упати кон најголемиот неделен раст од почетокот на март, откако ОПЕК+ со намалувањето на производството го насочи пазарот кон дополнително затегнување пред зимата.

Фјучерсите на суровата нафта West Texas Intermediate (WTI) во петокот се тргуваа близу 88 долари за барел. Фјучерсите се зголемија за околу 11 отсто во текот на неделата. Временските рамки сигнализираа недостаток на понуда дури и пред групата на производители да објави за своето најголемо намалување на производството од почетокот на пандемијата - потег што дополнително ќе го притисне пазарот.

Заострувањето на изгледите го запре падот на цените на нафтата, кои беа притиснати од загриженоста поради забавувањето на светската економија и агресивните зголемувања на каматните стапки од страна на централните банки. Русија, исто така, оваа недела повтори дека нема да продава нафта на земјите што ќе усвојат ограничувања на цените, што дополнително ја зголемува неизвесноста во понудата.

Потегот на ОПЕК+ за намалување на производството „може да биде пресвртна точка за пазарот“, велат аналитичари на Australia & New Zealand Banking Group, меѓу кои и Даниел Хајнс. „Расположението веќе беше мечкино во пресрет на слабеењето на глобалната економија и оваа одлука треба дополнително да го затегне пазарот“, додаваат од таму.

Саудиска Арабија, клучна членка на ОПЕК+, која ги задржа цените за испораките во Азија за ноември и ги намали оние за Европа, остави простор за оддишка на потрошувачите на нафта. Рафинериите и трговците предвидуваа зголемување.

Bloomberg Chartmaker

Цени

Цената на WTI за испорака во ноември беше стабилна на 88,36 долари за барел во 12.05 часот во Сингапур.

Брент за тргување во декември поевтини за 0,2 отсто на 94,28 долари за барел.

Американскиот претседател Џо Бајден изрази разочарување од одлуката за намалување на производството, додека главниот советник за енергетика Амос Хохштајн рече дека веста имала помало влијание врз цената отколку што Белата куќа очекувала. Сепак, банките од Morgan Stanley до Goldman Sachs, очекуваат Брент да се врати на 100 долари за барел.

Организацијата на земјите извознички на нафта и нејзините сојузници планираат да го намалат производството за два милиона барели дневно почнувајќи од ноември. Сепак, министерот за нафта на Саудиска Арабија рече дека намалувањето во реалноста веројатно ќе биде околу еден до 1,1 милион бидејќи некои членки веќе пумпаат далеку под нивните квоти.

Пазарот изгледа „прилично затегнат“ од четвртиот квартал наваму, вели Џејмс Вистлер, директор на Vanir Global Markets Pte. во Сингапур. Кратењата на ОПЕК+ го прават пазарот ранлив на европските санкции за увозот на руска нафта и веројатното враќање на кинеската побарувачка кон крајот на годината.

Во моментов нема коментари за веста. Биди прв да коментира...

Остави коментар