.webp){kind=icon}
Цената на нафтата расте додека клучниот северноамерикански гасовод останува затворен, а пазарот го следи најновиот развој на вирусот во Кина.
ВТИ (West Texas Intermediate-WTI) порасна речиси кон 72 долара за барел по падот од 11 проценти минатата недела. „ТЦ Енерџи корп“ (TC Energy Corp) продолжи со напорите за заздравување на затворениот нафтовод „Кистоун“ (Keystone), кој го поврзува полето во Канада со рафинеријата на американскиот брег во Мексиканскиот Залив, а датумот на повторното пуштање уште не е одреден, се наведува во изјавата објавена синоќа.
Конкретно, утрово ВТИ за испорака во јануари порасна за 0,9 проценти, на 71,66 долар за барел, додека нафтата брент нафтата за испорака во февруари доби 0,6 отсто на својата вредност и барел од таа нафта сега се тргува по цена од 76,57 долари.
Кина се оддалечува од својата политика на нулта ковид по протестите, нудејќи можност за заживување на побарувачката во најголемиот светски увозник на сурова нафта. Меѓутоа, порастот на бројот на случаи сега поттикнува загриженост за потрошувачката во текот на зимата, а индустрискиот консултант ФГЕ (FGE) вели дека ненадејно укинување на ограничувањата би можело да ги ослободи негативните ризици за побарувачката на нафта.
Bloomberg Mercury
Суровата нафта останува на прав пат за својот прв континуиран тримесечен пад од средината на 2019 година, бидејќи изгледите за побарувачката се лоши, а слабата ликвидност ја влошува осцилацијата на цените до крајот на годината. Инвеститорите, исто така, ги одмеруваат последиците од горната ценовна граница од 60 долари за барел, која ја наметнаа Г7 и ЕУ за руската нафта, со цел да ја казнат Москва за инвазијата врз Украина.
„Ризикот од намалување на производството од Русија може потенцијално да додаде свежина на пазарот, во пресрет на тоа што изгледа како предизвик во 2023 година“, вели Чару Чанана, пазарен стратег во „Саксо капитал маркетс“ (Saxo Capital Markets Pte) во Сингапур. „Загриженоста околу испораката може да ја задржи цената на повисоко ниво, и покрај ризикот за помала побарувачка“, рече таа.
По наметнувањето на ограничувањата на цените и поврзаните рестрикции, застојот на танкерите што чекаа транспорт на нафтата низ виталните морски теснеци во Турција создаде спор околу покритието на осигурувањето. Се чини дека тоа се разјаснува сега со податоците од бродските агенти од вчерашниот ден, кои покажуваат дека 19 танкери чекаат да поминат низ Босфор и Дарданели, што е намалување од вкупно 27-те танкери што чекаа во саботата.
