Јужноафриканската Република се приближува до 100 последователни денови на континуиран недостиг од струја, што е најдолг период досега, со можност за продолжување со продлабочувањето на нејзината криза со електрична енергија.
„Еском“ (Eskom Holdings SOC Ltd), државната компанија што ја произведува речиси целата електрична енергија во најголемата индустриска економија во Африка, секојдневно наметнува прекини на струја од 31 октомври, што го прави денешниот ден 99-ти по ред ден со прекини на испораките, покажуваат пресметките на „Блумберг“. Рационализирањето на електричната енергија е потребно за да се заштити мрежата на нацијата од колапс поради стареењето и лошо одржуваните постројки на „Еском“, кои главно се напојуваат со јаглен и не можат да ја задоволат побарувачката. Прекини на снабдувањето со струја имаше дури 200 дена во текот на 2022 година, но не последователно како сега.
Bloomberg Mercury
Прекините ја погодуваат земјата околу 15 години и веројатно ќе продолжат уште најмалку две, бидејќи „Еском“ ги реновира своите капацитети за производство на електрична енергија. Компанијата се обидува да го подигне факторот на достапност на енергија, мерка за тоа колку капацитет може да се искористи, на 70 проценти до март 2025 година од околу 50 отсто, колку што е моментално. „Еском“ има потреба и од дополнителни 4.000 до 6.000 мегавати производствен капацитет за да престанат прекините во напојувањето.
Централната банка на Јужноафриканската Република ја намали својата прогноза за економски раст за оваа година на 0,3 проценти, од 1,1 отсто, колку што изнесуваше претходно, при што гувернерот Лесетја Кањаго рече дека прекините на електричната енергија ќе го намалат растот на производството за два процентни поени во 2023 година. Економистите во истражувањето на „Блумберг“ гледаат 45 проценти шанси нацијата да западне во рецесија оваа година.
.webp){kind=icon}
