Цената на нафтата на светскиот пазар паѓа поради загриженоста дека американската централна банка ќе продолжи да ги зголемува каматните стапки во борбата против инфлацијата. Тие грижи ги намалуваат изгледите за зголемување на цената по прекините на понудата во Европа и оптимизмот за закрепнување на побарувачката во Кина.
West Texas Intermediate (ВТИ) не успеа да ги задржи раните добивки, тргувајќи се за околу 76 долари за барел. Најголемата полска нафтена компанија, „ПКН Орлен“, неочекувано престана да добива нафта преку нафтоводот „Дружба“ од Русија, објави во саботата на Твитер извршниот директор Даниел Обајтек.
Фјучерсите се малку променети по две последователни сесии на добивки / Bloomberg
Иако има сѐ поголеми знаци дека кинеската побарувачка за енергија ќе се зголеми откако Пекинг ја отфрли својата политика на нулта ковид, а тамошната централна банка вети дека ќе го поддржи растот, останува загриженоста дека борбата на ФЕД против сѐ уште високата инфлација ќе поттикне забавување во САД и штети за потрошувачката на енергија. Податоците објавени во петокот укажуваат на забрзување на ценовните притисоци, што оди во прилог на дополнително заострување.
Суровата нафта досега годинава се тргуваше во релативно тесен опсег од 1 до 10 долари, бидејќи инвеститорите ги проценуваат спротивставените сили, како и изгледите за испораки од Русија, додека војната во Украина влегува во втората година. Изгледите на пазарот ќе бидат во фокус во наредните денови, бидејќи трговците се собираат во Лондон, на Меѓународната недела на енергијата, еден од главните настани во нафтената индустрија.
„Серијата на изненадувања за инфлацијата во САД повикува на уште една рунда на јастребовска калибрација во очекувањата за зголемување на каматните стапки“, рече Јип Џун Ронг, пазарен стратег во ИГ (IG Asia Pte) во Сингапур. „Сепак, секое закрепнување на кинеската економија што ќе ги надмине очекувањата може да ги поддржи изгледите за побарувачката“, рече тој.
Цени:
- ВТИ за испорака во април поевтини за 0,2 отсто на 76,14 долари за барел, во 13.21 часот во Сингапур.
- Брентот за априлско порамнување се намали за 0,3 отсто, на 82,92 долара за барел.
Додека Европската Унија ги забрани испораките на руска сурова нафта и нафтени деривати по море, некои пратки од гасоводите останаа. Полска повеќепати најави дека планира целосно да го запре увозот на руска нафта, а „Орлен“ посочи дека суспензијата нема да влијае на потрошувачите, бидејќи, како што нагласуваат оттаму, биле подготвени на тоа.
Со заострувањето на санкциите против Русија, Европа во февруари увезе големи количества дизел преку зголемени испораки од Азија и Блискиот Исток. „Ограничувањата за Русија навистина не ’загризаа толку’, бидејќи Кина, Индија и Турција не се приклучија“, рече поранешниот министер за финансии на САД, Лоренс Самерс.
.webp){kind=icon}
