Цените на природниот гас во Европа достигаа највисоко неделно ниво откако Германија влезе во втората фаза од планот за итни ситуации поврзани со снабдувањето со гас. Со тоа ја зголеми загриженоста на континентот дека намалениот доток од Русија ќе значи недостиг во текот на зимата.
Референтните фјучерси пораснаа за дури 8,8 отсто откако германскиот министер за економија Robert Habeck го аквитираше „алармантното ниво “ од итниот план со изјавата дека најголемата европска економија е во гасна криза. Руските потези со кои се намалува снабдувањето со гас во Европа можат да предизвикаат колапс на пазарот со енергенси на сличен начин како што Lehman Brothers ја почнаа финансиската криза, вели Habeck.
Ограничувањето во снабдувањето со гас од Русија, која според Германија е политчки мотивирано, го ограничи дотокот до купувачите во Еврпа баш во моментите кога земјите ги подготвуваат залихите за следната зима, со тоа дополнително го зголемија ризикот од недостиг на гориво и струја во сезоната на греење.
„Вкупно 12 земји членки во моментов се погодени од руското еднострано намалување со снабдувањето“, рече високиот претсавник на Европоската унија за климатски прашања, Frans Timmermans. „Ризикот од целосно сопирање на гасот е сега пореален од било кога порано“, изјави тој
Гасоводот Северен тек кон Германија работи со колу 40 отсто капацетет откако минатата недела запре дотокот, а за што од рускиот извозник Gazprom PJSC изјавија дека е последица на технички проблем. Но, за Habeck и Timmermans овој потег на Кремљ е стратегија за нарушување на сигурноста во снабдувањето со енергенси и поткопување на европското единство
„Со влезот на Германија во втората фаза од планот за итни ситуации се појавија знаците на трајна напнатост во снабдувањето, а тоа додава притисок врз цените“, наведуваат аналитичарите од Inspired Energy.
Втората фаза од германскиот план го заострува следењето на пазарот, а некои од електраните на јаглен повторно се активираат.
Итните мерки доаѓаат во период кога Германија брза да ги пополни складиштата со гас, а пополнетоста во моментов изнесува околу 59 отсто. Енергетските компании создаваа залихи за да ја стигнат целта на Владата за пополнетост од 90 отсто до 01 ноември, што според Habeck тешко дека ќе се исполни ако дотокот преку Северен тек и натаму е ограничен. Како дел од планот, Германија ќе го гарантира финансирањето со 15 милијарди евра за пополнување на резревите и ќе го стимулира штедењето кај индустриските каапацитети.
„Оваа активност ќе им даде предност на пазарот заради зголемената конкуренција за пополнување на залихите“, велат од Inspired Energy.
Во пресрет на ескалацијата на гасната криза, Италија и Грција планираат уште еднаш да повикаат на потребата од ограничување на цената на природниот гас, со оглед на тоа дека трошоците за струја растат.
Недостиг на гас зимоска е можен, како и рестрикции на струја, а владите во Европа и Обединетото Кралство имаат само две одржливи опции –легислатива за ограничување на потрошувачката и зголемена употреба на јаглен на краток и среден рок, вели Ole Hansen од Saxo Bank.
Холандските фјучерси кои се европски репер, пораснаа за 6,3 отсто на 135, 15 евра по мегават час до 13:57 денеска. Цените пораснаа за повеќе од 50 отсто откако дотокот преку Северн тек е намален. Британскиот екивалент порасна за 8,2 отсто.
„Велика Британија има способност на прима гас и преку ЛНГ и заедно со гасоводотите од Норвешка може да заврши во помалку несигурна позиција, вели Hansen. „Но Велика Британија има огранничена способност за складираање на гасот под земја“.
.webp){kind=icon}
