Европските економии се соочуваат со нов голем шок од забавувањето на испораките на рускиот природен гас, што се заканува да ја поттикне инфлацијата уште повисоко од сегашните рекордни нивоа и да ја доведе водечката сила на континентот - Германија до „неизбежна“ рецесија, соопшти „Дојче банк“ (Deutsche Bank).
„Она што се случува во Европа во последните денови е нов голем негативен шок за снабдување“, пишуваат аналитичарите на „Дојче банк“, нагласувајќи го падот на протокот на гас од 60 отсто преку гасоводот „Северен тек“, претходно овој месец. „Ако исклучувањето на гасот не се реши во наредните недели, загрижени сме дека ова ќе доведе до проширување на енергетскиот прекин со првични ефекти врз економскиот раст и секако многу повисока инфлација“, додаваат од таму.
Bloomberg
Последното притискање на енергетските резерви како резултат на руската војна во Украина ги зголеми нивоата на тревога низ целиот континент - особено во Германија, најголемата европска економија и една од најзависните од рускиот гас. Министерот за економија, Роберт Хабек, предупреди дека превирањата од пазарите на гас може да се прошират подалеку, споредувајќи го ризикот со кризата предизвикана од колапсот на „Леман Брадерс“ (Lehman Brothers) во 2008 година.
Владата во Берлин соопшти дека е во преговори да обезбеди мерки за стабилизација на енергетската компанијата „Унипер“ (Uniper SE), која губи околу 30 милиони евра дневно затоа што мора да ги покрие исчезнатите руски залихи по зголемени пазарни цени. Хемискиот гигант BASF SE, кој се потпира на гас за производство и електрична енергија, соопшти дека можеби ќе треба да го намали производството.
Енергетската криза во Европа поттикнува сè погласни предупредувања за рецесија. Економистите на „Морган Стенли“ (Morgan Stanley) претходно неделава изјавија дека сега очекуваат оти еврозоната ќе падне во контракција во последниот квартал од годинава, најмногу поради ризикот од намален проток на природен гас.
„Постојаниот недостиг на гас ќе го зголеми ризикот од неизбежна германска рецесија поради лимитирањето на енергијата, а ќе сигнализира и јасна лоша страна на девизниот курс на еврото во однос на доларот“, велат аналитичарите на „Дојче банк“.
.webp){kind=icon}