Нафтата продолжи да слабее по еднонеделниот пад, додека трговците ги разгледуваат следните потенцијални чекори на Иран и на Израел во услови на тензии на Блискиот Исток.
Брент падна под 87 долари за барел откако минатата недела загуби 3,5 отсто, што е негов најголем пад од почетокот на февруари. На пазарот владее непријатно затишје по падот на цените во петокот, при што Иран сакаше да го минимизира одговорот на Израел на досега невидениот напад на исламската република врз еврејската држава.
Американскиот дом усвои нови санкции за иранскиот нафтен сектор по непријателските потези, а мерката е на пат да помине во Сенатот за неколку дена. Земјата исто така одобри ново финансирање за Украина во нејзината војна против Русија.
Сепак, компаниите за управување со пари покажаа најголем интерес за брент од март 2021 година и склучуваа договори за да профитираат од каков било пораст во услови на зголемени тензии. Другите пазари исто така навестуваат оптимизам, со купување опции за нафта - кои носат профит кога цените растат.
„Она што е сосема изненадувачки е тоа што, и покрај зголемениот ризик и тензијата на Блискиот Исток, нафтените пазари не изгледаат премногу загрижено“, рече Ворен Патерсон, шеф на стратегијата за стоки во ИНГ (ING Groep NV). „Пазарот ќе мора да види дали американските санкции влијаат на иранските текови пред да реагира“, додаде тој.
Нафтата е за околу 13 отсто посилна годинава поради геополитичките тензии и намалувањето на понудата на ОПЕК+, што го затегна пазарот. Инвеститорите неделава ќе се фокусираат на неколку економски податоци на САД, вклучувајќи ја претпочитаната мерка на инфлацијата на Федералните резерви (Фед), која ќе обезбеди повеќе индиции за траекторијата во монетарната политика.
Извештаи за заработка на најголемите светски нафтени компании, вклучувајќи ги „Тотал енерџис“ (TotalEnergies SE), „Шеврон“ (Chevron Corp.) и „Ексон мобил“ (Exxon Mobil Corp.), исто така треба да се појават неделава, како и резултатите од азиските компании „Рилајанс индустрис“ (Reliance Industries Ltd.) и „Кнук“ (Cnooc Ltd.). Растот на производството кај водечките компании за нафта и гас ќе биде во центарот на вниманието овој квартал, додека заработката се стабилизира.
Цени:
Брентот за јунско порамнување поевтини за 0,9 отсто, на 86,51 долари за барел, во 12.30 часот во Сингапур.
ВТИ за испорака во мај, што истекува в понеделник, поевтини за 0,7 отсто, на 82,54 долари за барел. Поактивниот јунски договор ослабе за 0,9 отсто, на 81,50 долар.
.webp){kind=icon}
