Прв пат по десет години расте производството на струја во ТЕЦ

Двете термоцентрали  РЕК „Битола“ и РЕК „Осломеј“ годинава произвеле за речиси 40 отсто повеќе струја од лани. Според податоците кои денеска ги објави државната ЕСМ, за седум месеци годинава во нив биле произведени 1559 гигават часови електрична енергија, а во истиот период лани 1126. За цело 2021 во термоцентралите биде произведени 2105 гигават часови енергија.

 

 

Растот во термоелектраните се случува во време на најтешка енергетска криза на глобално ниво предизвиката од намалувањето на испораките на гас од страна на Русија нив гасоводот Северен Тек кон Европа, како и во период на голема суша која го ограничува работењето на хидроцентралите и нуклераките низ континитентот.

Во вакви услови на недостиг на енергенсот, македонските електрани за прв пат по десет години го зголемија производството. Според податоците на Регулатроната комисија за енергетија, во периодот од 2011 до лани, произвдството на електрична енергија во македонските термоелектрани се намалило за 44 отсто. Како причина за ваквиот пад, експертите го посочуваат недостигот на инвестиции во нив.

 

 

Од ЕСМ велат дека зголеменото производство годинава се должи на зголемениот ископ на јаглен во сопствените рудници, набавката на јаглен за дополнително производство и подготвеноста и техничкото одржување на блоковите.

Во истиот период, наведуваат од ЕСМ, постигнато е да се намали потрошувачката на вода, односно производството на електрична енергија од хидроелектраните е намалено за 25 проценти. Нивото на акумулациите се држи на оптимална кота за да се штеди хидропотенцијалот за следниот период, кога во текот на грејната сезона се очекува пораст на побарувачката и на потрошувачката на електрична енергија.