Цената на бакарот падна откако американскиот претседател Доналд Трамп рече дека планира да воведе увозни царини за металот, како и за алуминиумот и челикот, што ги зголеми стравувањата од трговски војни и ја зајакна вредноста на доларот.
Трамп го вети тоа во говорот во кој исто така се закани со давачки за компјутерски чипови и фармацевтски производи, а во обид да го поттикне домашното производство. „Фајненшл тајмс“ објави дека министерот за финансии Скот Бесент се залага за универзални царини за увозот во САД и тие да започнат од 2,5 отсто и постепено да се зголемуваат, цитирајќи неименувани извори. Трамп потоа рече дека сака сеопфатни давачки што се „многу поголеми“ од тоа.
Доларот зајакна, поскапувајќи ги артиклите чија вредност се изразува во зелената валута. Цената на алуминиумот и железната руда скромно се намали, а недостигот од големи реакции кај металите во врска со заканите за царини може да се должи на острите загуби во понеделникот.
Прочитај повеќе
Златото е годинашниот рекордер на пазарите на метали, со раст од 27 отсто
Златото е на праг да оствари една од своите најголеми годишни добивки во овој век, со раст од 27 проценти.
30.12.2024
ИНГ: Тензиите меѓу САД и Кина ќе ја зголемат силата на златото во 2025 година
Геополитичките грижи ќе го поскапат златото во 2025 година на просечни 2.760 долари за унца од сегашните 2.713 долари.
12.12.2024
„Рио Тинто“ во преговори за најголемото спојување во рударството досега
„Рио Тинто“ и „Гленкор“ одржаа почетни разговори за комбинирање на нивните бизниси за да создадат гигант што ќе му конкурира на долгогодишниот титан во индустријата БХП.
17.01.2025
Прогноза за 2025-та: Ќе растат цените на бакарот и на алуминиумот
Индустриските метали имаат корист од подобрите макроекономски изгледи во услови на паѓање на каматните стапки.
02.01.2025
ББА-анализа: Трамп и временските услови ќе ги движат цените на стоките
Побарувачката за злато беше силно поттикната од купувањето од страна на централните банки.
23.12.2024
Движење на цената на бакарот
Bloomberg Mercury
Какви било увозни царини на метали најверојатно најмногу ќе ја погодат Канада. Северниот сосед на САД има удел од нешто повеќе од половина од вредноста на увозот на алуминиум во 2023 година, се наведува во белешката на „Морган Стенли“(Morgan Stenley). Канада е втора, зад Чиле, како извор на бакар и е најголем странски снабдувач на челик во САД, а потоа следуваат Мексико и Јужна Кореја.
Индустриските метали се под притисок бидејќи трговците го одмеруваат потенцијалот за продолжен трговски конфликт, кој ќе го забави глобалниот раст и ќе ѝ наштети на побарувачката. Во Кина фабричката активност во јануари се намали по тримесечната експанзија, што сигнализира претпазливост кај домашните потрошувачи, додека нејзиниот сектор за недвижности покажува мали знаци за одржливо враќање.
Цената на бакарот падна за 0,5 проценти, на 9.049,50 долари за тон на лондонската берза за метали. А вчера во Сингапур падна дури за два отсто. Вредноста на алуминиумот се намали за 0,4 проценти, а на цинкот за 0,9 отсто. Фјучерсите за железна руда паднаа за 0,4 отсто, на 103,20 долари за тон во Сингапур.
.webp){kind=icon}
