Европската унија ќе ги наполни складиштата со гас два месеци пред планираното. Блокот се подготвува за зимата заради намалените испорки од Русија и високите цени на енергенсите насекаде низ континентот.
Резервите во ЕУ беа полни до 79.4 отсто на 27 август, а планот беше да изнеусваат 80 отсто на 01 ноември, покажуваат официјалните податоци.
Унијата ги заостри правилата за складирање откако минатата зима се покажа дека тие се на пониско ниво во споредба со претходните години, посебно во Германија каде контрола има рускиот извозоник Гаспром, што беше причина и за раст на цените.
Залихите со гас помагаат да се апсорбираат шоковите во снабдувањето и обезбедуваат од 25 до 30 отсто од потрошувачката во зима. Со повеќе резерви, европските земји ќе можат подобро да се справат со натамошните прекини во испораките од страна на Гаспром, посебно од утре кога почнува неочекуваниот ремонт на Северн Поток.
Пониските температури во источна Европа и на делови од Пиринејскиот полусотров следната недела ќе помогнат земјите да зачуваат повеќе гас затоа што ќе се намали потрошувачката.
Вчера европските цени на гасот се спуштија на најниско ниво од март откако Германија објави дека полнењето на складиштата е два месеци пред планот. Падот на цените донесе мало олеснување по силниот раст на цените кои и натаму се шест пати на повисоки од ланските нивоа.
ЕУ сака да ја намали зависноста од Русија, најголемиот снабдувач на регионот во изминатите години. Количините треба да бидат надоместени од обновливи извори, поголема ефикасност и увоз на течен гас преку Средоземното море, Африја, Средниот Исток и САД.
Задолжителниот минимум резерви ќе обезбеди сигурност во снабдувањето зимава кога ќе почне грејната сезона, објави Европската комисија. Претседателката на Комисијата, Урсула фон дер Лејен, вчера изјави дека блокот мора да преземе чекори за да интервенира на пазарот на краток рок за да се сопре растот на цените.
Во Полска, складиштата беа речиси целосно полни на 27 август, додека во Португалија се 100 отсто исполнети. Во Италија залихите се на ниво од 81 отсто, во Унгарија на 62 и со Бугарија на 60 отсто, покажуваат официјалните поадтоци.
Во Гермнија, залихите се полнат брзо и се очекува следниот месец да се на ниво од 85 отсто, изјави вчера министерот за економија, Роберт Хабек.
Но, дури и со полни складишта, Германија ризикува да не може да презими без руските испораки, рече Клаус Милер, претседател на Сојузната мрежна агенција, регулаторот во земјата, во интервју за Блумберг Њус.
Земјата која е најголем европските увозник на енергенси, ги рестартира постројките на јаглен за да штеди гас. Во трка е и да обезбеди инфраструктура за увоз на течен гас .
Француската премиерка, Елизабет Борн, во меѓувреме ги предупреудва бизнисите да ја намалат употребата на енергеси.
„Може да има брутален недостиг преку ноќ и сериозни економски и социјлани последици“, изјави таа вчера, додавајќи дека „компаниите ќе бидат први на удар“ во ваква ситуација.
Со над 90 отсто исполнетост на залихите со гас, Франција би требало да има доволно за зима со просечни температури, велат властите во земјата.
.webp){kind=icon}
