БМВ откри нов модел на електричен автомобил, кој им конкурира на „тесла“ и на „мерцедес“

БМВ го претстави концептното возило што прикажува нови електрични основи, за кое компанијата тврди дека ќе ја зголеми профитабилноста и ќе ги привлече купувачите на електрични автомобили што инаку би се одлучиле за „тесла“ и „мерцедес бенц“.
„Тоа го редефинира брендот БМВ“, наведе Оливер Зипс, претседател на Управниот одбор на БМВ, во соопштението за печатот.
„БМВ вижн ное класе X“, електричен спортски активен автомобил, доаѓа со ентериер во кој се користат материјали од растително потекло, како и персонализирани звуци на возење и импресивна нова технологија за возење. Концептот следува по минатогодишното претставување на концептниот автомобил „БМВ вижн ное класе“, понуда развиена за да се натпреварува со претстојниот електричен седан на „Мерцедес“ и фејслифтираниот електричен седан на „Тесла“.

Новиот дизајн на гуми и специјалниот систем за сопирање за целосно електрични возила помагаат да се зголеми вкупната ефикасност на возилото до 25 отсто/Извор: БМВ

Сега со „супермозок“
Својот нов концепт БМВ го нарекува „возило за спортска активност“, иако повеќето потрошувачи едноставно ќе го помешаат со теренец, поради високиот клиренс, пространата внатрешност, долгото меѓуоскино растојание, големите прозорци и панорамскиот стаклен покрив.
Со вертикално монтирани лед-фарови и заднинско осветлување на решетката, „вижн ное класе X“ ги задржува елементите на препознатливата естетика на БМВ, но ги унапредува кон монолитно чувство.
„Вижн ное класе X“ ќе понуди нова контрола на погонот и шасијата, врз основа на софтверски пакет развиен од БМВ, за да гарантира уште помазно возење во споредба со другите постојни електрични возила. Компанијата ја нарекува новата технологија „супермозок“, или компјутери со високи перформанси што работат заедно таму каде што претходно имало посебни единици за обработка.
„Резултатот ќе биде поголеми динамични перформанси, поголема прецизност, поголема ефикасност и уште поголемо уживање во возењето“, наведе Френк Вебер, член на Управниот одбор на БМВ одговорен за развој, во соопштението за печатот.

 

Новата, шеста генерација на технологијата  ќе го зголеми опсегот до 30 отсто. Со новите цилиндрични литиумјонски батериски ќелии и систем од 800 волти, брзината на полнење ќе се зголеми дури за 30 отсто/Извор: БМВ

Најновите модели „ное класе“ на БМВ ќе имаат опсег од околу 800 километри и ќе се полнат од 10 до 80 проценти за помалку од 30 минути, конкурентни бројки со оглед на тоа што седанот „мерцедес“ е оценет да помине повеќе од 750 километри со едно полнење, со батериски систем што може да додаде досег од 400 километри за само 15 минути полнење. Портпаролот на БМВ на 20 март потврди дека производствената верзија на „вижн ное класе X“ ќе ја има новата, шеста генерација на технологија еДрајв, вклучувајќи систем од 800 волти, кој ќе ја подобри брзината на полнење до 30 проценти и ќе го зголеми опсегот дури за 30 проценти.
Директорите на компанијата велат дека перформансите во возењето на крајот ќе го издвојат возилото од конкуренцијата.
„Сè уште веруваме дека можеме да направиме разлика во динамиката на возењето“, изјави Зипс за „Блумберг“ во септември.
 

Предизвикувачки пазар
„Вижн ное класе X“ пристигнува бидејќи автомобилите во Кина ги надминуваат европските брендови со пониски трошоци и напредни технологии, исто како што растечката побарувачка за електрични автомобили забавува на глобално ниво. БЈД е водечки бренд во Кина, кој се очекува до 2030 година да се потпира 90 отсто на електричните возила. Во декември БЈД ја објави изградбата на својата прва европска фабрика во Сегед, Унгарија, поставувајќи брза и силна конкуренција на континенталните автомобилски брендови како што се БМВ, „Мерцедес“ и „Фолксваген“.

Концептниот автомобил нуди персонализирани погонски звуци генерирани во реално време/Извор: БМВ

бараат возбудливи електрични возила, иако „Тесла“ штотуку ја зголеми цената на своите варијанти „модел У“ во Кина и во САД. Во 2023 година, „Тесла“ испорача повеќе од 1,8 милион возила, надминувајќи го комбинираниот број на „Фолксваген“, БМВ, „Мерцедес Бенц“ и „Порше“.
Патничката верзија на „вижн ное класе X“ ќе започне да се произведува следната година во фабриката во Дебрецен, Унгарија.

Во моментов нема коментари за веста. Биди прв да коментира...

Остави коментар