Една од најпознатите американски актерки, Анџелина Џоли, го продава своето винтиџ „ферари 250 ГТ“ на аукцијата на „Кристи“, која секоја година собира едни од најисклучителните уметнички дела од сите категории.
Купето „ферари пининфарина“, модел претставен во 1958 година под стаклената купола на „Гранд палас“ (Grand Palais), ќе биде изложено за јавноста, 66 години подоцна, само неколку чекори подалеку, во изложбениот салон на „Кристи“ во Париз, на 14, 16 и 20 ноември. Првичната проценета цена се движи од 600.000 до 800.000 евра.
Автомобилското алтер его на една од најголемите филмски ѕвезди е резултат на историска соработка помеѓу две легендарни италијански компании: „Ферари“ и „Пининфарина“. Произведени се само 353 примероци од овој модел, а оној што ќе биде понуден на продажба е 11-ти. За купето, за кое „Кристи“ во соопштението наведе дека е восхитувачко поради неговите совршени пропорции во моментот на лансирањето, нема детални информации за неговата механичка состојба и колку компоненти се оригинални.
Кристи
Моделот „ферари купе“ (Ferrari Coupé) има 12-цилиндричен мотор од 240 коњски сили, со многу бараните и напредни карбуратори на „Вебер“ (Weber). Овој спортски автомобил со две врати ги замени моделите „ферари боани“ (Ferrari Boano) и „елена купе“ (Ellena) и ги покажа новите можности на дизајнерското студио „Пининфарина“.
Кристи
Кога станува збор за аукциската продажба на „Ферари“, „ферари 330 ЛМ/250 ГТО“ од 1962 година беше продадено за 51,7 милион долари на аукцијата на „Сотби“ на 13 ноември минатата година во Њујорк. Тоа е најскапото „ферари“ што е продадено на аукција и најскап класичен автомобил што е продаден јавно каде било во светот таа година, како што претходно објави „Блумберг Адрија“. Претходно најскапото „ферари“ што било јавно продадено беше „250 ГТО“ од 1962 година, кое достигна цена од 48,4 милиони долари на аукцијата на „Сотби“ во 2018 година.
Аукциската куќа „Кристи“ е позната по својата синергија со светот на филмот под рефлекторите и рекордните суми и за други експонати. Во „Кристи“ беа понудени легендарни предмети во сопственост на најголемите филмски ѕвезди: од легендарните накит на Елизабет Тејлор, преку иконската гардероба на Кетрин Денев од брендот „Ив Сен Лоран“, до „астон мартинот“ што Џејмс Бонд го возеше во филмот „Нема време за умирање“, кој беше продаден за повеќе од три милиони евра на хуманитарната аукција во 2022 година.
.webp){kind=icon}
Во моментов нема коментари за веста. Биди прв да коментира...