Јадранско Море е познато како една од најпривлечните дестинации за наутички туризам, па затоа не е чудно што секое лето по должината на јадранското крајбрежје гледаме ултралуксузни јахти во сопственост на најбогатите луѓе во светот.
Хрватска исто така ја има и најголемата чартер-флота во светот, па истражувавме колку чинат најскапите пловила што моментално се нудат на хрватскиот пазар. Се покажа дека доминираат јахтите од италијанските производители, а цените на петте највредни се движат од пет до речиси 10 милиони евра.
На прво место е луксузната 35-метарска јахта „Азимут гранде 35“ (Azimut Grande 35) од 2019 година, која се продава за 9,9 милиони евра. Ако тоа ви е премногу, можете да ја изнајмите за 135.000 евра неделно. Таа има пет кабини за гости и четири за екипажот, а двата мотора MTU со вкупно 4.800 коњски сили ја придвижуваат до максимална брзина од 26 јазли, со тоа што крстосува со 21 јазол.
Azimut Grande 35
На второ место е „Ферети 960 изота“ (Ferretti 960 Isota), исто така од 2019 година, со цена од 7,2 милиони евра. Јахтата е долга 29,2 метри, во пет кабини за гостите нуди десет места, а има и две кабини за екипажот. Со брзина на крстосување од 22 јазли, таа е идеална за обиколка на јадранските острови и заливи, додека максималната брзина ѝ е 31 јазол. Двата мотора MTU со повеќе од 5.000 коњски сили додека крстосуваат трошат околу 600 литри гориво на час, а неделно изнајмување чини 114.000 евра.
Ferretti 960
Трета на листата е повторно јахта на „Азимут“, „Гранде С10“ (Grande S10), долга 28,7 метри, од 2020 година, со цена од 6,5 милиони евра. Таа има четири кабини за најмногу осум гости, како и места за тројца членови на екипажот. Јахтата може да достигне максимална брзина до 35 јазли, додека крстосува со 28 јазли. Нејзиниот труп е направен од јаглеродни влакна и фиберглас, а ја придвижуваат два мотора MTU, секој со 2.600 коњски сили.
Azimut S10
Четврто место и повторно „Азимут“, но овој пат со моделот „Гранде 27“ (Grande 27) од 2019 година, вреден шест милиони евра. Како што сугерира името, долга е 27 метри, има пет кабини со десет места за гости и две кабини за екипажот. Неа ја придвижуваат два мотора MAN V12 со по 1.900 коњски сили, со кои достигнува максимална брзина од 27 јазли, а крстосува со 24 јазли. Достапна е и за изнајмување за 78.000 евра неделно.
Azimut Grande 27
Списокот го затвораме со уште една италијанска јахта, станува збор за 27-метарскиот модел „Амер 100“ (Amer 100) од 2013 година, кој се продава за 4,9 милиони евра. Покрај три кабини за гости и канцеларија, има и две кабини за екипажот. Со два мотора CAT, секој со речиси 2.000 коњски сили, таа може да крстосува со брзина од 24 јазли, а максималната брзина ѝ е над 30 јазли.
Amer 100
.webp){kind=icon}
Во моментов нема коментари за веста. Биди прв да коментира...