.webp){kind=icon}
Класична чанта со средна големина од брендот „Шанел“ (Chanel) во Париз за првпат ја надмина границата од 10.000 евра.
Како знак дека некои луксузни брендови се подготвени да продолжат да ги зголемуваат цените и покрај слабеењето на побарувачката, „Шанел“ ја зголеми цената на својата најпозната чанта на 10.300 евра во француската престолнина. Тоа е зголемување од околу 6,2 отсто во споредба со 9.700 евра претходно годинава.
Модниот бренд што стои зад мирисот „бр. 5“ (No. 5) обично ги ревидира цените на производите двапати годишно, во септември и во март. Цената на луксузните стоки во Париз е под лупа бидејќи главниот град привлекува богати туристи што купуваат помеѓу посетите на музеите и рестораните, а потоа добиваат поврат на ДДВ.
Прочитај повеќе
Ревија на „Шанел“ во Париз: Што имаат заедничко копчињата и балетот
Вијард во своите креации го користи копчето како скапоцен камен.
03.02.2024
Кое е семејството што стои зад „Шанел“?
Ален и Жерар Вертхајмер станаа сопственици на брендот „Шанел“ по смртта на нивниот татко Жак Вертхајмер во 1974 година.
01.12.2023
Наследникот на „Шанел“ стана најбогатиот жител на Швајцарија
Вертхајмер, кој ја контролира париската модна куќа која го произведува парфемот „Шанел бр. 5“, живее во Женева.
26.11.2023
„'Шанел' ја одредува вредноста на чантите според производствените трошоци. Цената на суровините и производствените трошоци беа погодени од упорната инфлација во текот на изминатата година, што нè натера да ги приспособиме нашите цени во бутиците“, изјави портпаролот на „Шанел“ за „Блумберг“ минатата недела.
„Ова зголемување ќе стапи во сила на сите пазари од 27 март 2024 година, со просечна стапка на приспособување од 6 отсто во евра“, додаде тој, нагласувајќи дека стапката може малку да варира со цел брендот да ги ограничи поголемите разлики во цените меѓу пазарите. „Тоа е прашање на правичност за сите наши клиенти“.
Во септември „Шанел“ ги зголеми цените меѓу 6 и 8 отсто на пазарите како Кина, Јапонија и Австралија.
Ексклузивните луксузни брендови се познати по нивната голема моќ за одредување цени, што значи дека можат да ги зголемат цените без нужно да ги загубат клиентите. Сепак, во изминатата година се појавија повеќе знаци дека т.н. аспиративни купувачи што ги купуваат основните модели на производи од познатите брендови ги намалија своите трошоци.
„Шанел“ обично е насочен кон најбогатите клиенти, на исто ниво со „Хермес“ (Hermes International SCA) или со производителот на часовници „Ролекс“ (Rolex), чија куповна моќ е поотпорна и покрај општото забавување на побарувачката.
