Кое е семејството што стои зад „Шанел“?

Џерар Вертхајмер, наследникот на „Шанел“, неодамна беше прогласен за најбогат жител на Швајцарија со проценето богатство од 42 милијарди швајцарски франци (47,6 милијарди долари) минатата година. Приватната групација за луксузни стоки е основана од модната дизајнерка Коко Шанел во 1910 година. Ален и Жерар Вертхајмер станаа сопственици на брендот „Шанел“ по смртта на нивниот татко Жак Вертхајмер во 1974 година.

Сопственоста на семејството Вертхајмер на престижната модна куќа започна во 1922 година кога нивниот дедо Пјер Вертхајмер ја запозна Коко Шанел на коњската трка Лонгшамп. На запознавањето „кумуваше“ основачот на познатата француска стоковна куќа „Галерис Лафајет“ (Galeries Lafayette), Теофил Бадер, кој во 1924 година ќе добие 20 отсто од акциите во „Парфеми Шанел“ (Le Parfums Chanel) во 1924 година. Тогаш Вертхајмер потпиша договор со креаторката со кој и дал 10 проценти за лиценцирање на името на фирмата со договор да се повлече од работењето.

Вертхајмер го презеде производството, маркетингот и пласманот на парфемот „Шанел бр. 5“, кој брзо стана бестселер. Гледајќи го големиот успех што го постигна парфемот, Шанел реши да се бори за да ја врати контролата врз својата линија на парфеми и тоа се обидуваше да го направи во следните децении. Кога семејството Вертхајмер избега во САД во 1940 година, тие го искористија фактот дека се еврејско семејство за да побараат од нацистичките власти да го вратат имотот што инаку би бил прераспределен, се вели во книгата „Тајната на Шанел бр 5“ од авторката Тилар Мазео. Сепак, Вертхајмер го предвиде тоа. Пред да заминат од Париз, тие го префрлиле својот дел на индустријалецот Феликс Амиот, за да не биде запленет, според Мазео.

И покрај ова, до 1947 година, Шанел заработуваше од продажбата на „Шанел бр. 5“, во износ еквивалентен на околу 12 милиони долари. За време на преговорите за преземање на целосната сопственост на „Шанел“ во 1954 година, која ја вклучува и модната линија, уделот на креаторката од два отсто од продажбата на „Шанел бр. 5“ ширум светот ја направи една од најбогатите жени во светот. Покрај тоа, Пјер Вертхајмер се согласи на една необична одредба: да и ги плаќа сите трошоци за живот - од тривијални до големи - до крајот на нејзиниот живот.

Своето богатство и најголемиот дел од својот имот таа го оставила на нејзиниот внук Андре Палас, кој живеел во Швајцарија, и неговите две ќерки кои живееле во Париз. Палас, кој ја изгубил мајка си кога имал само 6 години, бил одгледан од познатата креаторка и починал десет години по неговата тетка, во 1981 година.

По смртта на креаторката, „Шанел“ како бренд постепено ја изгуби својата сила, оставајќи само линија на парфеми што се продаваше во аптека и официјална продавница. Браќата Вертхајмер, Ален и Жерар се вклучија главно во семејниот бизнис на коњички спортови, но сепак решија да ја оживеат оваа модна куќа со проширување од висока мода во сегментот на комерцијална облека. Нивната најважна одлука во првиот чекор кон постигнување на таа цел беше да го убедат германскиот дизајнер Карл Лагерфелд да стане уметнички директор, што се случи во 1983 година.

Денес, Ален е претседател на „Шанел“, додека Жерар го предводи секторот за часовници. Живеат многу дискретно, никогаш не се присутни на медиумските настани во нивната куќа, а сакаат да останат незабележителни на модните ревии, па седат во трет или четврти ред.

„Ние сме многу дискретно семејство, никогаш не разговараме“, рече Жерар во написот на „Њујорк Тајмс“ во февруари 2002 година. „Ова е за Коко Шанел. Ова е за Карл Лагерфелд. Ова е за сите што работат и создаваат во „Шанел“, не е за Вертхајмер“.

Нивниот друг имот вклучува три лозја и коњски трки во Франција.

Според индексот на милијардери на „Блумберг“, Ален живее во стан на Петтата авенија во Њујорк, со сопругата Брижит и трите деца, а Жерар со сопругата Валери, со која има две деца во Швајцарија. Потоа, тука е помладиот полубрат, Чарлс Хајлброн, извршен потпретседател во „Шанел“, кој исто така инсистира на приватност. Чарлс е чувар на богатството на семејната инвестициска фирма „Мус партнерс“ (Mousse Partners), една од највредните приватни компании во светот - со околу 3 милијарди долари годишен профит. Заедно, семејството се проценува дека вреди околу 90 милијарди долари, според индексот на милијардери на „Блумберг“. Инаку, сите тројца се синови на Елијан Хајлброн, адвокатката која го состави доживотниот договор на Лагерфелд.

„Мус Партнерс“ има канцеларии во Менхетен, Хонг Конг, Пекинг и Кајманските Острови. Компанијата инвестира во широк спектар на индустрии. Еве преглед на некои инвестиции: