За да талкате меѓу ридови, да уживате во локални деликатеси и врвно вино, да си подарите велнес меѓу лозја и да се будите со восхитувачки поглед – не мора да патувате до Тоскана. Сето тоа и уште многу повеќе го нудат Горишка Брда и Крас.
Во овој дел од западна Словенија ве очекува луксуз со карактер: бутик-вили, историски имоти и архитектонски ремек-дела, каде што современата удобност се испреплетува со вековната традиција.
Меѓу древните камени ѕидови, маслинарнците и лозјата, пронајдовме сместувања осмислени за најпребирливите гости, оние што наместо масовен туризам, избираат искуство создадено по мера: кулинарски вечери со приватен готвач, дегустации во семејни визби, опуштање во тишината на природата и увид во богатото локално наследство.
Прочитај повеќе
Скриени туристички бисери покрај автопатот од Загреб кон југ
Вргорац, дестинација на вино и песни, открива скриени бисери – полиња, водопади и езера што ги мамат истражувачите и љубителите на авантури.
24.08.2025
Како родното место на Меланија Трамп стана туристичка атракција
Севница е релативно мала општина со 4.500 жители.
27.01.2025
Вински маратон од 2.817 километри низ балканските лозја
Од словенечките Брда до херцеговската жилавка и македонскиот вранец – регионот крие винска магија полна со вкусови и приказни.
22.08.2025
Македонија има уникатен музеј за вино: Што нуди за туристите?
Музејот располага со артефакти што го отсликуваат историското минато на Демир Капија од праисторијата до денес.
12.08.2025
Македонската станушина меѓу најпопуларните вински сорти грозје во регионот
Интернационалната судијка Ивана Симјановска, за „Блумберг Адрија“ направи список со сорти на грозје што во моментов се најпопуларни во регинот Адрија.
16.02.2025
Југозападна Словенија сè повеќе добива на препознатливост и кај странските гости, како дестинација на луксузен и одржлив туризам, која со својата дискреција, квалитет и естетика привлекува посетители од сите краеви на светот.
Подготвивме неколку предлози за луксузен викенд – покрај базен меѓу лозја, со чаша извонредно вино во рака.
Вила „Фабијани“ – раскош на италијански начин
Од летото можете да се простите во италијански стил, а притоа да не патувате дури до Италија. Во срцето на словенечкиот Крас се наоѓа внимателно обновена вила од 17 век, поранешен дом на архитектот Макс Фабијани.
На историскиот имот ве чекаат вековни приказни. Вилата „Фабијани“ ја спојува безвременската елеганција на италијанската селска вила со шармот на недопрената природа. Опкружена со еколошки лозја и маслинарнаци, нуди луксузна приватност, релаксација покрај базен со поглед кон лозјата, гастрономски уживања од краската кујна и врвни вина од имотот. Совршено бегство за љубителите на културата, историјата и суптилниот луксуз.
Винскиот имот Шчурек - рај за љубителите на квалитетно вино
Станува збор за идиличен семеен имот во срцето на планините Горишка Брда. Нивната гордост е винската визба, бидејќи семејството со генерации се занимава со лозарство. Лозјата се наоѓаат во ридско подрачје, каде што се испреплетуваат медитеранската и алпската клима, што овозможува одгледување грозје со исклучителен квалитет.
Вилата на имотот Шчурек е идеален избор за оние што бараат мир и автентично искуство во регионот Брда. Опкружена со лозја и природа, таа нуди приватен базен и простор за целосна релаксација. Ентериерот комбинира современ дизајн со рустични елементи, додека ги одржува топлината и автентичноста на домот.
Имотот е вистински рај за љубителите на вино – гостите можат да уживаат во уникатни дегустации на локални сорти, да ги истражат околните планинарски патеки и да им се препуштат на кулинарските специјалитети на овој регион.
Вила „Алма виста“ – велнес во срцето на Горишка Брда
Меѓу нежно брановидните ридови на Горишка Брда се наоѓа вилата „Алма виста“, луксузна резиденција што ги комбинира современата архитектура, уметноста и почитувањето на локалното наследство. Врз темелите на стара селска куќа е создаден простор со безвременска елеганција, каде што луксузот се рефлектира во деталите, погледите и мирната атмосфера. Просторни и светли спални соби со приватни бањи, панорамска дневна соба, приватен базен, тераса и велнес-центар со сауна и џакузи обезбедуваат идеална атмосфера за целосна релаксација и интимност.
Тоа е многу повеќе од само престој - искуство приспособено на потребите на гостинот. Индивидуализираните услуги вклучуваат приватен готвач, сафари со вино, масажи, дегустација на маслиново масло и внимателно одбрани појадоци со локални специјалитети. Сè е дизајнирано за најпребирливиот гостин, кој бара засолниште, естетика и врвна удобност во единствена средина.
„Двор Виполже“ – бутик-искуство во локална приказна
На помалку од 300 метри од италијанската граница се наоѓа „Двор Виполже“ - внимателно реставрирана камена куќа од 16 век, каде што рустичноста се среќава со удобноста на современиот дизајн. Типичните материјали како што се автохтон камен, дрво и кортен челик создаваат чувство на безвременска елеганција, додека пространиот двор, отворениот базен со поглед и локалниот појадок овозможуваат целосна релаксација во автентична околина.
„Двор Виполже“ нуди приспособено искуство и личен пристап на домаќините, кои ги насочуваат гостите низ локалните доживувања – од културни настани во вилата „Виполже“ до истражување на винските патеки со електрични велосипеди. Идеално е за сите што ги ценат мирот, естетиката и поврзаноста со локалниот амбиент.
Вила АСА – разбудете се во древна бајка
Во селото Опатје на Крас, во вилата АСА, ќе се почувствувате како да сте зачекориле во древна бајка. Оваа внимателно реставрирана карстна вила од 1784 година, со својата големина и смирена елеганција ве кани во свет на безвременски луксуз, каде што природата, историјата и удобноста се спојуваат во совршена хармонија. Имотот нуди целосно бегство од секојдневието, врвна приватност, мир и длабока поврзаност со природното опкружување на Крас.
Паркот на вилата АСА е дизајниран како ексклузивна дестинација за ВИП-гости, кои покрај раскошното сместување, бараат и единствено искуство. Со пет ѕвезди, гламурозен амбиент и услуги создадени по мера, ова е идеален избор за креативни одмори, специјални пригоди или деловни средби на највисоко ниво.
Идиличната вила „Зероу“
Вилата „Зероу“ во идиличното село Церово гарантира уживање во сиот шарм на таканаречената словенечка Тоскана. Оваа престижна вила комбинира модерен дизајн со волшебен поглед на лозјата, Алпите и Јадранско Море, создавајќи совршена атмосфера за релаксација и разгалување.
Вилата е опремена со врвна инфраструктура, вклучувајќи отворен базен, сауна, тераса со скара и пространа дневна соба, што овозможува удобен престој во срцето на природата. Вилата „Зероу“ е идеален избор за гости што бараат луксуз, интимност и поврзаност со уникатниот пејзаж на Горишка Брда.
Вила „Мајда“ – бутик-одмор помеѓу Крaс и Истра
Во селото Осп, каде што карстната камена природа се преплетува со топлината на Истра, се наоѓа вилата „Мајда“ - реновирана вила од 1892 година, која денес функционира како бутик-хотел со внимателно избрана кулинарска понуда. Опкружена со природа и мир, таа нуди шест елегантно опремени соби, како и луксузна делукс соба со поглед на градината и карстниот пејзаж. Дополнително искуство овозможуваат надворешниот каменен базен, мирисливата медитеранска градина и понудата на винската визба, што обезбедува автентичност и домашна атмосфера.
Вилата „Мајда“ е дизајнирана како простор за целосно опуштање или посебни искуства, како што се интимни свадби и приватни прослави. Со својата мирна естетика, употребата на локални материјали, врвната удобност и сезонската кујна, таа е идеален избор за оние што бараат дискретен луксуз со душа – во допир со Крас и морето.
.webp){kind=icon}
Во моментов нема коментари за веста. Биди прв да коментира...