text size
Иако поголемиот дел веќе се вратија во секојдневниот ритам на работни и училишни обврски, летото сè уште не го кажало последниот, барем не на Јадранот. Втората половина од септември нуди идеална можност за оние кои пред да настапи есента сакаат да си дозволат бегство на море. Температурите се пријатни, метежот е значително помал, а цените често попристапни отколку во шпицот на сезоната.
За подобар увид во трошоците за доцен летен одмор ги анализиравме цените на порталот „Букинг.ком“ (Booking.com). Се фокусиравме на апартмани со три и четири ѕвезди, погодни за тричлено семејство, во периодот од 19 до 26 септември. Резултатите откриваат каде сè уште вреди да се резервира одмор и колку тоа може да ве чини.
Крк
Прочитај повеќе
Ѕвезди на хотелските врати – обележје, но не и гаранција за квалитет
Онлајн рецензиите имаат силно влијание денес - патниците редовно ги проверуваат, а хотелите стануваат свесни дека негативните коментари може значително да влијаат на нивниот углед.
13.09.2025
Луксузните возови ја враќаат златната доба на патувањата
Луксузните возови доживуваат ренесанса, со ретро-шармот и гламурот на „Ориент експрес“ низ панорамски рути во срцето на Европа. Задоволство што чини и до 10.000 евра по ноќ.
06.09.2025
Пет луксузни хотелски спа-зони на Јадранот
Хотели на Јадранот покажуваат дека современиот луксуз не е само сместување и гастрономија туку сосема поинакво искуство со природни терапии и уникатно доживување.
29.08.2025
Водич низ Норвешка – природа, градови и необични атракции
Норвешка нуди уникатно летно доживување – од фјордови и езера до живописни градови, со природа, култура и умерени температури далеку од жештините.
16.08.2025
Островот Крк останува една од најпопуларните дестинации меѓу словенечките туристи , не само поради близината, туку и поради пристапот преку мост, без потреба од траект. Тоа значи помалку логистика и повеќе спонтаност, што во септември, кога метежот е многу помал, доаѓа особено до израз.
Понудата за сместување на Крк е разновидна и погодна за различни буџети. Во периодот од 19 до 26 септември, тричлено семејство може да изнајми апартман со три или четири ѕвезди (некои вклучуваат и базен) веќе од околу 400 евра за една недела. Подобро опремените на атрактивни локации крај море можат да чинат и до 1.200 евра.
Островот Крк. Фото: Депозитфотос
Пореч
Освен близината и добрата сообраќајна поврзаност, Истра нуди живописни градови како Ровињ, Умаг и Пореч, кои во септември воодушевуваат со нешто помирна атмосфера отколку во јули и август.
Иако понудата во Истра обично е нешто поскапа од некои други делови на хрватското крајбрежје, во Пореч во втората половина на септември може да се најдат и поволни опции. Апартмани со три ѕвезди се достапни веќе за 300 до 400 евра неделно, додека цените на сместување во објекти со четири ѕвезди започнуваат од околу 600 евра. Поквалитетните единици на врвни локации можат да чинат и повеќе од 2.500 евра за една недела.
Ровињ – омилен избор на туристите во регионот. Фото: Депозитфотос
Задар
Задар е една од најпопуларните дестинации за септемвриски одмор – и тоа со причина. Градот нуди жива атмосфера и разновидна понуда, па останува привлечен за различни профили посетители и на крајот на сезоната.
Кога станува збор за сместување, Задар нуди исклучително широк избор. Апартмани со три и четири ѕвезди се достапни од околу 500 евра неделно, додека цените на подобро лоцираните и поквалитетни единици достигнуваат и до 1.400 евра. Повеќето понуди во овој период вклучуваат попусти, што дополнително ја зголемува вредноста за оние кои бараат одмор надвор од шпицот на сезоната.
Поглед од птичја перспектива на Морските оргуљи и Поздрав на сонцето во Задар. Фото: Депозитфотос
Паг
Островот Паг спаѓа меѓу поевтините јадрански дестинации – до него се стигнува или преку мост или со траект. Во септември нуди едни од најповолните опции за семеен одмор на море, особено за оние што бараат пристапна цена без компромис во однос на основниот комфор.
Според податоците на „Букинг“, на Паг се среќаваат најниските цени на сместување. Солиден апартман со три ѕвезди за тричлено семејство може да се изнајми за околу 300 евра неделно. Цените за сместување со четири ѕвезди исто така се поволни – повеќето се движат меѓу 400 и 600 евра. За гостите што сакаат повеќе удобност, достапни се и полуксузни опции со поглед на море, по цени од околу 1.000 евра неделно.
Плажата Новaљa на Паг. Фото: Депозитфотос
Сплит
За туристите кои и во септември сакаат повеќе сончеви часови и автентична далматинска атмосфера, Сплит е одличен избор.
Цените за неделно изнајмување апартман со три ѕвезди се движат меѓу 500 и 600 евра, додека полуксузните сместувања со модерна опрема и поглед на море можат да чинат и до 2.000 евра.
Добра вест за туристите надвор од сезоната: повеќето понуди се значително поевтини, понекогаш и до 30 отсто во споредба со главната летна сезона.
Поглед на Сплит. Фото: Депозитфотос
Како беше во јули?
Податоците на „Букинг“, покажуваат колку чинеше еднонеделен одмор во јули (од 18 до 25 јули) за четиричлено семејство во апартман со две спални соби на различни туристички дестинации на Јадранот. Најповолните понуди со најмалку три ѕвезди беа:
-
Умаг: 930 евра
-
Крк: 918 евра
-
Паг: 785 евра (со поглед на море; пред намалување 973 евра)
-
Задар: 810 евра
- Хвар: 1.560 евра
.webp){kind=icon}
