„Опен еј-ај“ (OpenAI) сега им дозволува на корисниците да креираат сопствени верзии на ЧетГПТ (ChatGPT) за да постигнат специфични лични и професионални задачи бидејќи стартапот за вештачка интелигенција работи да ја победи конкуренцијата на сè потесниот пазар.
Со новата опција, корисниците ќе можат брзо да креираат свои специјализирани верзии на ЧетГПТ - едноставно наречени ГПТ (GPТ) - кои можат да помогнат му се објасни некоја математичка операција на дете или да се објаснат правилата на друштвена игра, соопшти компанијата во понеделникот. Не е потребно кодирање, додаваат оттаму. „Опен еј-ај“ исто така планира месецов да воведе продавница во која корисниците ќе можат да најдат приспособен ГПТ од друг корисник - и да заработат пари од својот - исто како што можат со апликациите во Еп стор (App Store) на „Епл“ (Apple Inc).
Најавата дојде во понеделникот, на првата конференција за програмери на компанијата. „Опен еј-ај“ исто така соопшти дека воведува интроверзија на ГПТ-4 турбо (GPT-4 Turbo), помоќна и побрза верзија на неговиот најнов голем јазичен модел, технологија на која се потпира ЧетГПТ.
Прочитај повеќе
Маск го најави Грок, „духовит и бунтовен“ ривал на ЧетГПТ
Илон Маск го најави својот бот со вештачка интелигенција, кој ќе му биде ривал на ЧетГПТ.
06.11.2023
Како влезе вештачката интелигенција во Македонија и какви ризици носи
Еден пример што ни е близок нам, во Македонија, е за користењето на ЧетГПТ од страна на учениците.
02.11.2023
Германски гиганти инвестираат половина милијарда евра во ривал на „Опен еј-ај“
Конзорциум од германски индустриски гиганти и група финансиски инвеститори вложија повеќе од 500 милиони долари во „Алеф алфа“.
07.11.2023
„Сименс“ и „Мајкрософт“ развиваат асистент со вештачка интелигенција за во фабриките
„Тоа ќе го сведе на минути времето на задачи што претходно траеле со недели“, велат од „Сименс“.
01.11.2023
ЧетГПТ беше претставен во јавноста пред една година, со што започна глобално лудило околу сите работи поврзани со вештачката интелигенција. Приближно 100 милиони луѓе сега го користат ЧетГПТ секоја недела, соопшти компанијата на конференцијата, а повеќе од 90 отсто од бизнисите на „Форчн 500“ (Fortune 500) создаваат алатки на платформата на „Опен еј-ај“. Но производителот на ЧетГПТ се соочува и со ривалски производи од добро финансирани стартапи со вештачка интелигенција, технолошки гиганти и, од неодамна, Илон Маск, кој порано бил поддржувач на „Опен еј-ај“.
Bloomberg Mercury
За „Опен еј-ај“, конференцијата претставува шанса да покаже колкаво влијание има врз заедницата на програмери. Организација на конференција за програмери е исто така стандардна процедура за водечките технолошки компании, вклучувајќи ги „Епл“, „Гугл“ (Google) на „Алфабет“ (Alphabet Inc.) и „Фејсбук“ (Facebook) на „Мета“ (Meta Platforms Inc). Честопати овие годишни настани нудат шанса за технолошките компании да ги претстават главните ажурирања на софтверот или на производите.
Главниот извршен директор на „Опен еј-ај“, Сем Алтман, ја одржа главната презентација на сцената, а во еден момент му се придружи и Сатја Надела, извршен директор на „Мајкрософт“ (Microsoft Corp).
Алтман одржа демонстрација во живо на ГПТ што ќе се појават неделава за корисниците на ЧетГПТ плус (ChatGPT Plus) и на Ентерпрајс (Enterprise). Алтман напиша резиме на она што сака да го создаде - четбот што ќе им дава совети на основачите на стартап-компании - и ЧетГПТ исфрли предлог-име „Стартап-ментор“ и насловна фотографија за таа платформа. Луѓето можат да конфигурираат специфични карактеристики за нивните четботови, рече тој, и да прикачуваат документи што сакаат да бидат разгледани при комуникацијата.
Зборувајќи пред група новинари по својата презентација, Алтман рече: „Многу е чудно, но тоа што го претставив на сцената е нешто на кое работев цела деценија за да го создадам“.
.webp){kind=icon}
