Дигитализација

Facebook тешко може да го стигне YouTube со приходи од претплата

Извор: Parmy Olson/Bloomberg

11. Септември 2022, 12:41

Бидејќи со години беше бесплатен, Фејсбук сака да провери дали корисниците ќе плаѓаат за нови опции

Фејсбук стана жртва на сопствениот успех во рекламирањето

Facebook тешко може да го стигне YouTube со приходи од претплата

Bloomberg

Според извештајот на The Verge, Мета Платформс (Meta Platforms Inc.) е најновиот гигант меѓу социјалните мрежи, кој што размислува да продава премиум опции на своите апликации. Со оглед на тоа што со години беше бесплатно, сега сакаат да видат дали некој од нас ќе плати за новите опции на Фејсбук (Facebook), Инстаграм (Instagram) или Ватсап (WhatsApp).

Тоа ќе биде тешко да се продаде.

Поставете си го себе следното прашање: Која специјална опција на Фејсбук би ја платиле? Земете предвид дека во текот на минатите децении компанијата експериментираше со низа нови услуги, со кои не успеаја да ги освојат корисниците, од волшебниот дигитален помошник на Месинџер (Messenger), па до големиот проект со криптовалути. Сите тие беа бесплатни.

Од гледна точка на Фејсбук, би било убаво кога би постоел едноставен начин, како што е плаќањето за отстранување реклами од ѕидот. Тоа би чинело малку, а очигледно успеа за YouTube, што ги привлече претплатниците со оглед на тоа што рекламите на платформата се толку напорни, па корисниците со задоволство ќе платат за да не ги гледаат. Но, корисниците на Фејсбук само ќе продолжат да листаат надолу по ѕидот.

Bloomberg
 

Во последните седум години расте бројот на претплатници на YouTube, кои плаќаат. Денес повеќе од 50 милиони корисници плаќаат меѓу 10 и 11,99 долари месечно за YouTube Premium или YouTube Music.

YouTube не ги прикажува приходите од претплатничките услуги, но проценките сугерираат дека добива 500 милиони долари месечно, или 6 милијарди долари годишно од претплата, што претставува скоро петтина од вкупната продажба. Остатокот приходи доаѓаат од рекламите.

Поради тоа YouTube е поинаков. Meta, Snap и Twitter се обидоа да направат слично и да ги диверзифицираат приходите но, само малку успеаја да ја намалат зависноста од рекламирањето.

Snap, кој што 99 проценти од своите приходи ги остварува од реклами, не успеа во обидот да продава паметни очила. Во јуни, исто така, лансираше и услуга месечна претплата од 3,99 долари под називот Snapchat Plus. Опцијата не е ништо особено изненадувачка или интересна. На пример, можете да го промените стилот на иконите на Snapchat. До сега милион корисници се пријавија да плаќаат. Тоа не е лош почеток, но тешко е да се очекува дека уште голем дел од тие 329 милиони други активни корисници ќе го сторат истото.

Bloomberg
 

Фејсбук во меѓувреме експериментираше со различни опции. Само во последните неколку месеци затвори дел од игрите на среќа, делот за шопинг и опцијата со која се натпреваруваше со Nextdoor Holdings Inc.

Лиценцирањето на податоци преку Твитер е постојан обид за диверзификација на приходите и тоа чини околу 11 отсто од вкупните приходи, или 570 милиони долари остварени во минатата година.

YouTube успешно се оттргна од зависноста од реклами, најмногу поради тоа што се меѓу најиритирачките на интернет. Рекламите од 4 или повеќе секунди на почетокот на многу популарни видеа може да се чинат како цела вечност.

Во текот на пандемијата, растот на претплатници на YouTube се забрза, а платформата беше толку успешна што матичната компанија Alphabet Inc. соопшти дека го зголемува бројот на услуги што не се со огласување и рекламирање.

Bloomberg
 

Во извештајот на Verge е наведено дека Фејсбук ќе ги задржи рекламите за идните претплатници. Тоа звучи чудно, со оглед на тоа колкав беше успехот на YouTube кога го стори спротивното. Но, Фејсбук стана жртва на сопствениот успех во рекламирањето. Собирањето податоци значи дека нивните реклами се доста добро фокусирани и персонализирани на целната група и добро се камуфлирани, што многу од корисниците воопшто не би имале ништо против да мора да листаат преку нив.

Ако Фејсбук успее да натера барем 5 проценти од своите околу 3 милијарди активни корисници да плаќаат по 3 долари месечно за дополнителна опција на Инстаграм или Фејсбук, тоа би носело околу 5,4 милијарди долари дополнителен годишен приход на компанијата. Иако тоа претставува само мал удел од вкупните 117 милијарди долари што Фејсбук ги заработи од рекламирање во текот на минатата година, сепак би можело да помогне да се надомести очекуваното забавување на потрошувачката за дигиталните реклами.

Зекири се товари дека го оштетил буџетот за околу 1,5 милиони евра
Општо

Зекири се товари дека го оштетил буџетот за околу 1,5 милиони евра

Зекири се товари дека спротивно на Законот и без спроведена постапка за јавна набавка склучил два договора за консултантски услуги за Пошта и Железници Транспорт вредни скоро 1,5 милиони евра.

пред 3 часа

Сите новости од рубриката Технологија

Технологија

сите новости од рубриката Технологија