Нов четбот креиран од непрофитната организација за вештачка интелигенција OpenAI Inc. го „зарази“ интернетот, бидејќи корисниците шпекулираат за неговата вештина во сè, од драматургија до есеи за факултет.
Четбот е софтверска апликација која користи вештачка ителигенција за разговор со корисници преку интернет, со примена на формати како текст или „текст во говор“, и на тој начин заменува контакт со човечки оператор.
Од историски факти до поеми за криптовалути, корисниците на „Твитер“ го споделуваат своето изненадување од деталните одговори што ги дава т.н. ChatGPT, откако стартапот побарал повратна информација од корисниците за способноста на вештачката интелигенција.
Главниот извршен директор на OpenAI, Сем Алтман, во твит во четвртокот посочи дека има „многу поголема заинтересираност“ од очекуваното.
OpenAI со седиште во Калифорнија, се најде на насловните страници за својот софтвер GPT-3 кој овозможува вештачката интелигенција да реагира луцидно на текстуални барања. Претходно годинава, втората верзија на нивниот модел DALL-E стана вирална поради способноста да генерира фото-реалистични слики создадени врз основа на описи од корисниците.
OpenAI беше ко-основана од извршниот директор на „Тесла“, Илон Маск и Алтман заедно со други инвеститори пред околу седум години со цел да развијат технологии за вештачка интелигенција од кои корист ќе има целото човештво. Маск, кој ја напушти компанијата во 2018 година по несогласувањата околу нејзината насока, во четвртокот на „Твитер“ изрази поддршка за способностите на моделот.
Четбот технологијата не е нова, иако нејзината примена доживеа мешовит успех. Ботот за вештачка интелигенција на „Мајкрософт“, наречен Теј, беше откажан во 2016 година, откако корисниците на „Твитер“ го научија да кажува расистички, сексистички и навредливи забелешки. Друг, развиен од „Мета“, претрпе слични проблеми оваа година.
Програмерите признаваат дека моделот „понекогаш пишува веродостојни, но неточни или бесмислени одговори“ и може да биде „претерано опширен“ поради обуката што ја добил од луѓето.
Додека повеќето корисници беа воодушевени од размислувањата на ботот, некои побрзаа да укажат на недостатоци, како на пример детален, но неточен одговор на прашање за алгебра.
.webp){kind=icon}
