.webp){kind=icon}
Јапонската компанија „Тепко“ (Tepco) планира да испушти повеќе од 1 милион кубни метри прочистена радиоактивна вода, доволна за да наполни 500 олимписки базени од уништената нуклеарна централа Фукушима во Тихиот Океан. Ова е планот за да може да се расчисти најтешката атомска несреќа по Чернобил. Резервоарите за складирање на локацијата се очекува да бидат полни веќе во 2024 година, а просторот за изградба на нови е редок. Колку и да звучи страшно, испуштањата се вообичаена практика во индустријата и се смета дека планот е во согласност со глобалните упатства. Но, тоа не ги увери локални жители или соседните Кина и Јужна Кореја.
Од каде доаѓа водата?
Земјотресот во 2011 година, најсилниот досега регистриран во Јапонија, и цунамито што следеше, предизвикаа структурни оштетувања на зградите на реакторот Фукушима, на околу 220 километри северно од Токио. Приближно 130 илјади кубни метри вода се контаминираат дневно, вкучувајќи ги подземните води и дождот. Загадената вода се испупува низ напреден систем за обработка на течности (ALPS), a потоа прочистена се складира во приближно 1.000 резервоари на локација. Со оваа обработка се отстрануваат повеќето радиоактивни елементи како тритиум.
Што е тритиум?
Форма на водород кој има два дополнителни неутрони, што го прави слабо радиоактивен. Природно се произведува во горниот дел од атмосферата и исто така е вообичаен нуспроизвод од производството на нуклеарна енергија. Има различни примени, вклучително и во производството на нуклеарно оружје, во медицината и во производството на предмети.
Дали е опасен тритиумот?
Bloomberg
Може да биде канцероген доколку има високи нивоа на концентрација. Тие можат да се наталожат во телото ако се вдишат или консумираат обично преку валкана вода. Сепак, според канадската комисија за нуклеарна безбедност, човекот ќе треба да внесе милијарди единици бекерели (мерка за радиоактивност) пред да види какви било здравствени ефекти. „Тепко“ (Tepco) планира да испушти вода со концентрација помала од 1.500 бекерели на литар. За споредба, една банана има 15 бекерели, а 1 килограм ураниум има 25 милиони.
Која е постапката за испуштање на водата?
Повеќето нуклеарни централи испуштаат мали количини тритиум и друг радиоактивен материјал во реките и океаните, според Дејвид Хес, политички аналитичар во Светската нуклеарна асоцијација.Во САД, таквите „овластени испуштања“ се прават „рутински и безбедно“ и се целосно обелоденети, според американската нуклеарна регулаторна комисија. „Тепко“ (Tepco) има за цел да испушти најмногу 22 трилиони бекерели тритиум во океанот годишно, што е помалку од сличните испуштања во Франција, Јужна Кореја и Кина, според јапонската влада.
Кога се планира прочистената вода да биде испуштена во Тихиот океан ?
Bloomberg
Тепко“ (Tepco) планира да започне со испуштање на водата уште ова лето во Јапонија преку подморски тунел долг еден километар. Пред да биде испуштена водата таа е измешана со морска вода за да ја разреди концентрацијата на тритиум под границие кои се дадени од јапонската влада и на Светската здравствена организација. Испуштањето може да трае до 40 години, а владата планира да ја следи радиоактивноста во областа за време на процесот.
Кој е против испуштањето на водата од Фукушима?
Риболовните групи од периферијата на Фукушима остро се спротивставија, стравувајќи дека тоа би можело дополнително да го наруши биодиверзитетот и да влијае на нивната егзистенција. Портпаролот на кинеското Министерство за надворешни работи, Ванг Венбин, предупреди дека планот за испуштање на оваа вода во океанот носи ризици за соседите на земјата и државите на островот на Тихиот Океан, велејќи дека океанот „не е приватна канализација на Јапонија“.Иако владата на Јужна Кореја јавно не се спротивстави на плановите на Јапонија, истражувањето спроведено во мај покажа дека 84 отсто од испитаниците се противат. САД соопштија дека планираното ослободување било во согласност со светските стандарди.
Како инаку оди чистењето?
Земјотресот на 11 март 2011 година кај североисточниот брег на Јапонија и цунамито што следеше предизвика околу 16.000 потврдени смртни случаи и голема штета, вклучувајќи ја и нуклеарната централа Фукушима. Проценките на компанијата Тепко“ (Tepco) се дека за целосно чистење на централата ќе бидат потребни 30 до 40 години. Нивото на радијација на територијата каде што се простира централата е намалено со што се олеснува и работата на работниците кои сега користат тенка хируршка маска за да се заштитат од радијацијата.
