На станицата за сервис „Циркл“ (Circle) во Конгсберг, Норвешка, станиците за полнење електрични автомобили се повеќебројни од бензинските пумпи. Ова е сцената што постојано може да ја видат возачите што ја посетуваат Норвешка.
Bloomberg Mercury
Кога станува збор за електричните автомобили, Норвешка е пионер. Благодарение на низата даночни олеснувања и стимулации, оваа држава се оддалечи многу побрзо од автомобилите со мотор со внатрешно согорување за разлика од своите соседи.
Поголемиот дел земји не можат да си дозволат толку брзо да ја направат оваа транзиција како по примерот на Норвешка. Владата проценува дека досега се одвоени 1,8 милијарда долари за мерките за поддршка.
„Во Норвешка продажбата на електрични автомобили се зголеми за 3 отсто во 2012 година, а во 2022 година за 80 отсто. Мислам дека остатокот од светот треба да научи од ова и да сфати дека оваа промена ќе се случи“, вели Кристина Бу, генерална секретарка на норвешката асоцијација за електрични автомобили.
Искуството на Норвешка покажува потенцијал за намалување на глобалната потрошувачка на нафтените деривати. Според директорот на Норвешката федерација за патишта, Ојвинд Цолберг Торсен, електричните автомобили сè уште не можат да ги заменат горивата. Иако електричните автомобили сочинуваат 23 отсто од поминатите милји во Норвешка, во 2022 година дизелот сочинуваше 43 отсто од поминатото растојание.
Потрошувачката на дизел во Норвешка е само за 10 отсто намалена споредно со 2015 година и допрва треба да има надолен тренд. По жител во оваа земја потрошувачката на нафтени деривати е намалена речиси за една четвртина од 2002 година, според пресметките на „Блумберг“, користејќи ги податоците од истражувањето на енергетскиот институт. За разлика од многу други земји, кои се далеку од толкав број електрични автомобили, потрошувачката на горивата во Норвешка и натаму е висока.
Според министерот за нафта и енергија Терје Асланд, побарувачката на нафтени деривати не може да биде заменета лесно, ако се има предвид дека големите нафтени бродски и индустриските сектори зависат од овие деривати. „Опкружени сме со различни производи и системи, што значи дека ни требаат нафтени деривати и за нив нема лесна замена. Сè уште ќе ни треба нафта за индустриски цели, дури и ако го намалиме внесувањето фосилни горива во транспортниот сектор“, рече Асланд.
Bloomberg Mercury
Bloomberg Mercury
Искуството на Норвешка сугерира дека електричните автомобили не се лек за емисиите на јаглерод, но тие сепак можат да имаат значително влијание врз потрошувачката на фосилните горива. Возилата со батерии веќе ја намалија глобалната побарувачка на нафта за 1,5 милион барели дневно, или околу 1,5 отсто од вкупната потрошувачка, според Истражувањето за електрични возила на „БлумбергНЕФ“ (BloombergNEF). Извештајот покажува дека потрошувачката на нафта за патен транспорт ќе достигне максимум во 2027 година според сценариото на нето нула.
.webp){kind=icon}
