„Самсунг“ ќе интегрира четбот наречен Ерни, производ на „Баиду“ (Baidu Inc.), како клучна атракција на новата серија на паметни телефони „галакси S24“ во Кина, врз основа на вештачка интелигенција.
Јужнокорејскиот производител на телефони ја претстави својата најнова телефонска линија како прва во серијата паметни телефони со вештачка интелигенција, а програмите на „Баиду“ базирани на вештачка интелигенција ќе помогнат во сумирањето на текстот, организацијата и преводот, се наведува во соопштението на „Баиду“. Пребарувањето ќе се врши и преку програмата на „Баиду“, за која „Самсунг“ ја користи технологијата на „Гугл“ на други пазари.
Андроид-софтверот на „Гугл“ е софтверски столб за повеќето паметни телефони во Кина, но дополнителните услуги не се секогаш достапни, а домашните компании како „Тенсент холдинг“ ја пополнија таа празнина и развија една од најпопуларните апликации – „Ви-чет. За „Баиду“, соработката со „Самсунг“ го означува почетокот на поширокото распоредување на четботот Ерни, еден од првите и најдобри обиди на Кина да се натпреварува со ЧетГПТ на „Опен-еј-ај“.
„Самсунг“ се обидува да го прошири својот мал удел во Кина, најголемиот пазар на паметни телефони во светот. Преклопливите уреди на „Самсунг“ му даваат карактеристична позиција во премиум сегментот, а подлабоката интеграција со локалните производи, како што е четботот на „Баиду“, може да помогне да се поттикнат повеќе потрошувачи да се префрлат од ајфон на „Епл“ или локални брендови.
Bloomberg
Пазарниот удел на „Самсунг“ се распадна во најголемата светска арена за паметни телефони во изминатите години на приближно еден до два отсто, поради преплавениот пазар со ајфоните на „Епл“, како и со локалните брендови од „Шаоми“ до „Хуавеј“ и нивните милиони постојни корисници, бидејќи корејската компанија го заштитува своето глобално присуство и се обидува да биде пионер во нова мејнстрим-категорија со уреди на преклопување.
Што вели „Блумберг“
Одлуката на „Самсунг“ да го користи моделот со вештачка интелигенција за својот претстоен модел на паметни телефони „галакси 24“ со вештачка интелигенција во Кина е потврда на позицијата на „Баиду“ како водечки кинески играч за вештачка интелигенција засега. Иако е позитивно за расположението, не очекуваме материјална финансиска корист за „Баиду“, со оглед на колапсот на некогаш водечкиот пазарен удел на „Самсунг“ во кинеските телефони. Остануваме претпазливи во поглед на изгледите за вештачка интелигенција на „Баиду“ и очекуваме „Тенсент“, „Алибаба“ и „Хуавеј“ да се појават како долгорочни победници во кинескиот сектор за вештачка интелигенција.
- Роберт Леа, аналитичар
.webp){kind=icon}
