Илон Маск спроведе анкета во која ги праша корисниците на X дали „Тесла“ (Tesla Inc.) треба да инвестира 5 милијарди долари во неговиот стартап за вештачка интелигенција, велејќи дека ги „тестира водите“ за потенцијален договор. Повеќе од две третини од испитаниците гласаа „за“.
Главниот извршен директор на „Тесла“ го постави прашањето во вторникот, набрзо откако производителот на автомобили објави четврти квартал по ред со разочарувачки профит. Маск за време на презентацијата на резултатите беше запрашан дали компанијата ќе инвестира во „Екс еј-ај“ (xAI) или ќе го интегрира нејзиниот четбот, наречен Грок, во софтверот на „Тесла“.
„'Тесла' многу учи од 'Екс еј-ај'“, рече тој, додавајќи дека тоа помогнало да се унапреди автономното возење, како и пакет функции за асистенција на возачот. Маск рече дека ја поддржува идејата „Тесла“ да инвестира во „Екс еј-ај“ доколку акционерите го одобрат тоа.
Прочитај повеќе
![БЈД на пат да ја преземе круната од „Тесла“ за најголем производител на е-возила](/data/images/2024-05-29/61738_412171889_kf.jpg)
БЈД на пат да ја преземе круната од „Тесла“ за најголем производител на е-возила
БЈД (BYD) би можел да ја надмине „Тесла“ (Tesla) во продажбата на електрични возила годинава.
24.07.2024
Паѓа профитот на „Тесла“ додека Маск бара трпение од инвеститорите
Гигантот за електрични возила нема да го претстави мошне очекуваното роботакси до 10 октомври - и тоа ќе биде само прототип.
24.07.2024
![„Тесла“ го одложи воведувањето на роботакси](/data/images/2024-07-12/65583_413808599_kf.jpg)
„Тесла“ го одложи воведувањето на роботакси
Анонимни извори велат дека информацијата е споделена со неколку луѓе во компанијата
12.07.2024
Маск го постави „Екс еј-ај“ на почетокот на 2023 година, неколку месеци откако „Опен еј-ај“ (OpenAI) го воведе бумот за вештачка интелигенција со лансирањето на ЧетГПТ (ChatGPT). Милијардерот беше коосновач на „Опен еј-ај“ како непрофитна организација и беше нејзин водечки финансиер пред да поднесе оставка од одборот во 2018 година, наведувајќи го потенцијалниот иден конфликт на интереси со неговата улога во „Тесла“.