Пазарите на капитал во 2025 година се под притисок на нестабилноста, поттикната од геополитичките тензии и промените во економските политики, додека дополнителен катализатор за нестабилноста доаѓа од Вашингтон, каде што објавувањето на новите трговски царини внесува несигурност кај инвеститорите. Во такво опкружување, пазарот на стоки е водечки во однос на приносите од почетокот на годината, надминувајќи ги традиционалните класи на средства како акциите и обврзниците. Клучното прашање сега е кои суровини ќе останат во фокусот и ќе продолжат да растат?
Кога се гледа пазарот на суровини, податоците јасно покажуваат дека благородните метали биле најсилната компонента на пазарот, со златото на рекордно ниво. Она што е исто така интересно да се забележи е енергијата, каде што иако нафтата беше под притисок, американскиот природен гас Хенри Хаб ја компензира слабоста во нафтата, што го зголеми вкупниот енергетски индекс. Земјоделските производи, а особено житариците, од друга страна, досега постигнаа најслаби резултати на стоковниот пазар поради прекумерната понуда од главните земји производители како САД, Бразил и Украина, како и трговските тензии и царини.
Гледајќи напред, цените на суровините најверојатно ќе останат нестабилни, најмногу поради неизвесноста околу побарувачката. Смирувањето на тензиите на Блискиот Исток и евентуалниот прекин на огнот меѓу Русија и Украина може да има позитивно влијание врз глобалната економија. Сепак, непредвидливите трговски политики на администрацијата на Доналд Трамп, како и неизвесноста околу одговорот на земјите на царините остануваат клучен ризик што може да го забави економскиот раст на глобално ниво.
Прочитај повеќе

Металите тонат додека трговската војна на Трамп ја загрозува глобалната побарувачка
Бакарот на лондонската берза за метали падна за цели два отсто, до 9.510,50 долари за тон, додека алуминиумот потона на најниско ниво во последните речиси седум месеци.
03.04.2025

Нафтата на ценовна лулашка додека трговците ги следат казните и заканите на Трамп
Брентот сурова нафта се тргува по цена од скоро 73 долари за барел, а ВТИ близу 69 долари.
31.03.2025

ББА коментар: Цените на бакарот ќе растат
Разликата во цените на бакарот на Њујоршката берза и другите релевантни берзи (LME и SHFE) се зголеми како резултат на зголемената побарувачка од САД.
28.03.2025

Цената на нафтата повторно паѓа поради резревите и трговските тензии
Нафтата брент падна на 70 долари за барел откако изгуби 0,7 отсто од вредноста во вторникот
19.03.2025

Златото достигна нов рекорд поради царинската треска на Трамп
Статусот на сигурно засолниште на благородниот металот се истакна кога златото порасна за дури 1,1 проценти во азиското тргување по обраќањето на претседателот во Роуз Гарден.
03.04.2025
Како традиционално безбедно засолниште за време на периоди на економска нестабилност, заканата од трговска војна ја зголеми загриженоста за инфлацијата и глобалниот економски раст, дополнително зајакнувајќи го сјајот на благородните метали. Иако цените на благородните метали веќе значително пораснаа оваа година, понатамошната ескалација на трговската војна создава потенцијал за понатамошен раст или, во најмала рака, задржување на сегашните нивоа – што, со оглед на несигурноста на пазарот, сè уште е одличен исход. Додека златото останува во фокусот на инвеститорите, среброто исто така ни го привлекува вниманието, особено поради очекуваниот дисбаланс меѓу понудата и побарувачката во наредните години. Проекциите покажуваат дека индустриската побарувачка за сребро би можела да ги надмине нивоата на производство до 2030 година, што ќе изврши дополнителен притисок врз цените и ќе отвори можности за инвеститорите.
За инвеститорите кои бараат помалку конвенционални можности, ураниумот се издвојува како интересна опција. Поттикната од ренесансата во нуклеарната енергија, ограниченото рударско производство кое не одговара на растечката побарувачка и зголемувањето на институционалната распределба на ураниумот преку ЕТФ и хеџ фондовите, може да обезбеди можност за профит. Дефицитот на глобалниот пазар на ураниум се очекува да достигне 7 проценти до 2025 година, со долгорочен недостаток од 5 проценти до 2030. Клучни двигатели на тој тренд ќе бидат значителното зголемување на побарувачката за стабилна енергија потребна за центрите за податоци и вештачката интелигенција од страна на големите технолошки компании како „Мета“, „Мајкрософт“, „Гугл“ и други.
Бакарот имаше негативна реакција на царините на Трамп поради стравувањата од забавување на економијата. Сепак, долгорочно очекуваме зголемена побарувачка во САД, особено во изградбата на центри за податоци и обновливи извори на енергија. Имајќи предвид дека бакарот нема вистинска замена во зелената транзиција, неговата долгорочна структурна побарувачка треба да остане силна и покрај трговските бариери.