Конкуренцијата за учители во Обединетото Кралство може да биде жестока, а едно средно училиште мисли дека има нешто што му дава предност: приклучоци за електрични возила. Имено, училиштето „Џад“ во Кент, јужна Англија, минатата година доби владин грант од 2.100 фунти (2.515 американски долари) за шест полначи за електрични возила. За возачите на електрични возила во персоналот новите станици се добредојдени.
„Тоа ја менува перцепцијата на луѓето за нас, дека сме училиште со напредно размислување и сериозно ја сфаќаме околината. И може да се промовираме како активисти во намалувањето на нашиот јаглероден отпечаток“, вели Хилари Голдсмит, бизнис-менаџер во училиштето.
Додека усвојувањето на електричните возила достигнува точка на пресврт, една од најголемите пречки за потенцијалното пренасочување кон електрични возила е долготрајната вознемиреност за тоа дали ќе остане без струја далеку од домот.
Со оглед на тоа што работодавците се соочуваат со тесен пазар на трудот, полнењето во канцеларија е еден потенцијален одговор на двата проблема истовремено.
Мелани Шафлботам, коосновачка на британската компанија за податоци за наплата за полнење „Зап-мап“ (Zap-Map), вели дека покрај удобното седење и чистите тоалети, полнењето електрични возила станува нешто како основна потреба.
„Ако имате листа со поволности за да привлечете работници, треба да кажете: 'Обезбедувам чист современ тоалет, нудам кафуле и обезбедувам точки за полнење електрични возила“, вели Шафлботам.
Британската консултантска компанија за недвижности „Најт Френк“ (Knight Frank) веќе гледа како се намалува интересот за нивните комерцијални клиенти.
„Изнајмувачите сакаат нивните деловни згради да бидат приспособени на иднината, а новите станари често велат дека поседувањето одреден број полначи за електрични возила е услов за земање на просториите под закуп, нешто за што не може да се преговара“, вели Роберт Блејк, висок консултант за енергија и одржливост на компанијата.
Автомобилите во канцеларијата може да се оставаат приклучени цел ден, што значи дека може да користат и побавни полначи што ја намалуваат потребата за скапи надградби на електричната мрежа. Поголемиот дел од вакви локации за полначи, инсталирани на места каде што возачите се дружат во значително долг временски период, исто така ја намалува побарувачката за многу скапи ултрабрзи полначи на пат. Повеќето полначи на работните места веројатно ќе се полнат од седум до 22 киловати, што ја полни батеријата на автомобилот во текот на неколку часа, во споредба со 50 до 350 киловати кај брзите и ултрабрзите полначи, кои се почести на постојките за одмор и бензинските пумпи.
Ако правилно се изведе, полнењето на работното место може да помогне и да се надомести празнината во достапноста на улично полнење, што е особено важно за возачите во урбаните средини што можеби нема да можат лесно да се приклучат дома.
Bloomberg Mercury
Во Велика Британија повеќе од една четвртина од возачите немаат пристап до домот или гаража. Во САД се проценува дека околу 44 проценти од возилата немаат посебно место за паркирање надвор.
Полнењето на работното место не мора да значи дека е бесплатно, туку тоа зависи од компанијата или сопственикот. Моментално периодот на враќање на полначите за електрични возила е од четири до седум години, вели Блејк во „Најт Френк“.
За вработените, целосно бесплатното полнење беше повообичаено пред неколку години, пред растот на трошоците за електрична енергија да поттикне повеќе компании барем да бараат начин да ги покријат своите трошоци. Но плаќањето за приклучување на работа сепак може да биде поволност. Работодавците честопати може да понудат поевтина цена на електрична енергија од пазарната, бидејќи купуваат на големо и однапред.
Денес полнењето на електричните возила на работното место е дел од поволностите, а дел претставува заштита на иднината. Компаниите веќе се соочуваат со сè построги барања за известување за влијанијата врз животната средина. Многу големи корпорации сега мора да ги земат предвид емисиите, вклучувајќи ги и тие од возилата во нивна сопственост. Патувањето до работа на вработените спаѓа во опсегот на емисии од средства што не се во сопственост на бизнисот, туку се дел од неговиот поширок отпечаток. Иако тие емисии во моментов не се бара да се пријавуваат, предлозите од регулаторите, како што е Комисијата за хартии од вредност на САД, би го промениле тоа. Доколку бидат донесени тие измени, компаниите можеби ќе треба да размислат повеќе за тоа како нивните работници доаѓаат до канцеларијата.
Освен регулативите, тука се и грижите за репутацијата. Во седиштето на британската метеоролошка канцеларија во Ексетер, владина агенција фокусирана на временските услови, персоналот составен од климатолози и метеоролози има големи очекувања за вниманието на нивниот работодавец на чистата енергија. Пред шест години канцеларијата ја инсталира својата прва станица за полнење електрични автомобили. Денес има 22 такви.
„Ние сме еден од главните придонесувачи во истражувањата за климатските промени. Многу е тешко да се излезе таму и да се каже 'климата се менува, треба да ги намалиме емисиите на CO2', а притоа самите да не правиме ништо во врска со тоа“, вели Пол Чавас, кој ги води внатрешните политики на метеоролошката канцеларија.
.webp){kind=icon}
