Владата на Риши Сунак рече дека ќе ги олабави правилата за имиграција во обид да привлече повеќе странски градежни работници во Обединетото Кралство (ОК) и да го реши недостигот од работна сила во индустријата. Пет градежни занимања ќе бидат додадени на „списокот на занимања со недостиг“ во ОК, откако министрите ги прифатија препораките од Советодавниот комитет за миграција, кој ја советува владата за имиграција, пишува во владините документи објавени денеска.
Професиите вклучуваат ѕидари, столари, гипсари, малтерџии и работници што прават покриви. Овој потег е голем поттик за градежниците на куќи во ОК во услови на хроничен недостиг од работници. Списокот им овозможува на работодавците да донесат странски работници со помал праг на плата од вообичаеното ниво за квалификуван работник и да плаќаат пониски такси за виза.
Но планот може да се покаже како контроверзен меѓу приврзаниците на брегзит и симпатизерите на Конзервативната партија, од кои многумина гласаа за излез на Обединетото Кралство од ЕУ поради ветувањето во кампањата „Излези“ дека ќе ја „вратат контролата“ на границите на Британија и ќе ја запрат имиграцијата.
Bloomberg Mercury
Канцеларијата за буџетска одговорност денеска објави процена дека нето миграциските текови во просек ќе изнесуваат 245.000 луѓе годишно, наместо 205.000 претпоставени во нејзината ноемвриска прогноза. Според еден од документите, Владата се согласи да ги додаде градежните работници на списокот за да помогне да се олеснат моменталните притисоци во понудата на работна сила пред пошироката ревизија што ќе заврши во есента 2023 година. Во документот се вели и дека планот може да се прошири и на други сектори подоцна оваа година.
И покрај повиците од угостителската индустрија да ги додадат тие работници на списокот, Советодавниот комитет за миграција рече дека во моментов не препорачува додавање на листата на какви било занимања од тој сектор.
Моменталните работни места на листата дефицитарни занимања вклучуваат здравствени работници, негуватели, градежни инженери, ветеринари и архитекти.
Во својот говор за буџетот, канцеларот на финансии Џереми Хант наведе низа мерки дизајнирани да ги привлечат луѓето повторно на работа, вклучувајќи ги и постарите од 50 години. Тој не го спомна олабавувањето на правилата за имиграција во клучните сектори, кои наместо тоа се вклучени во буџетските документи.
„Велика Британија има повеќе од седум милиони возрасни работоспособни луѓе што не се на работа. Тоа е потенцијален базен од седум луѓе за секое слободно работно место“, рече Хант.
.webp){kind=icon}
Во моментов нема коментари за веста. Биди прв да коментира...