Технолошката компанија „Мета“ (Meta Platforms) денеска најави отпуштање на 11.000 од вкупно 87.000 вработени, дел од планот за намалување на трошоците поттикнат од разочарувачкиот пад на приходите.
Според соопштението на компанијата, станува збор за 13 отсто од вработените, а во првиот квартал од следната година ќе остане на сила актуелното замрзнување за нови вработувања.
Во соопштение на веб-страницата на компанијата, основачот Марк Закерберг порача: „Сакам да ја преземам целосната одговорност за овие одлуки и за тоа како дојдовме до овде. Знам дека ова е тешко за сите и особено им се извинувам на оние што се најмногу погодени“.
Прочитај повеќе
Марк Закерберг загуби 100 милијарди долари за само 13 месеци
Богатството на Марк Закерберг се намали за 11 милијарди долари откако неговата „Мета“ објави разочарувачка заработка втор квартал по ред.
28.10.2022
'Мета' сака да работите во виртуелна реалност. Како изгледа тоа?
Искуство од учеството на виртуелниот настан Meta Connect 2022, преку хедсетот Oculus Quest 2.
13.10.2022
'Мета' губи вредност и може да испадне од најголемите 20 компании
Приходите на 'Мета' во третиот квартал паднаа за четири отсто во споредба со истиот период лани.
27.10.2022
Според најавата, кратења ќе има во сите оддели на претпријатието, но најмногу ќе биде погодено одделението за пронаоѓање нови кадри. Се додава и дека најави за натамошно намалување на бројот на вработени ќе има и во наредните месеци.
Акциите на Meta годинава загубија 71 отсто од вредноста.
На крајот на септември, Закерберг им објави на вработените дека Meta планира да ги намали трошоците и да се преструктуира. Компанијата, која ги поседува Instagram и WhatsApp, ги замрзна вработувањата и, како што тогаш рече Закерберг, ќе има помалку вработени во 2023 година.
Отпуштањата се први големи буџетски кратења на компанијата од основањето на Facebook во 2004 година и се одраз на остриот пад на приходите од дигиталното рекламирање, економијата на раб на рецесија и големите инвестиции на Закерберг во градењето на виртуелен свет, познат како метаверзум.
Bloomberg
„Во првите 18 години на компанијата, ние рапидно растевме секоја година, а неодамна нашите приходи стагнираа и за прв пат почнаа благо да паѓаат. Мораме да се прилагодиме“, им рече Закерберг на вработените во септември.
Отказите во Meta доаѓаат по сличен развој на настаните во Twitter, каде што 50 отсто од работниците беа отпуштени откако компанијата ја презеде Илон Маск. Меѓутоа, процедурата таму беше хаотична бидејќи многу луѓе дознаа дека останале без работа откако им бил прекинат пристапот до електронската пошта или до комуникациската платформа Slack.
Маск рече дека потезите се неопходни за да се намалат загубите, но подоцна побара од некои отпуштени да се вратат на работа.
.webp){kind=icon}
