.webp){kind=icon}
„Ролекс“ (Rolex SA) ќе отвори три привремени производствени капацитети кои ќе започнат со производство на луксузни часовници во 2025 година, бидејќи најголемиот светски производител на часовници од висока класа се обидува да го зголеми производството во услови на невидена побарувачка за своите производи.
Изградбата на објекти во кантонот Фрибур ќе започне кон крајот на годинава, соопштија од „Ролекс“. Капацитетите ги следат плановите да се потрошат милијарда швајцарски франци (1,1 милијарди долари) на голема нова производствена локација во Буле, исто така во кантонот Фрибур, која се очекува да биде оперативна во 2029 година.
Во моментов, новите часовници генерално не се достапни за купување преку овластената мрежа на компанијата, што ги натера трговците на мало како што е Watches of Switzerland Group Plc да прибегнуваат кон листите на чекање за клиентите. Ова, исто така, предизвика зголемување на цените на секундарниот пазар, предизвикувајќи популарните модели, како што е „дејтона космограф“ (Daytona Cosmograph), да се продаваат за многу повеќе над малопродажната цена.
Прочитај повеќе
„Ролекс“ ќе издава сертификати за половни часовници од своето производство
„Ролекс“ ќе започне со издавање сертификати за автентичност на овластени продавници што препродаваат половни часовници од овој бренд.
01.12.2022
Луксузните часовници сè уште се подобри од акции и крипто
Цените на најпосакуваните модели на „Ролекс“, „Патек Филип“ и „Одемар Пиге“ сè уште имаат подобри резултати од акциите и криптовалутите.
18.02.2023
Листа на најдобри часовници за подарок, кои не се „ролекс“ или „патек“
Да се купи часовник како подарок не е лесна задача. Што ќе одговара на вкусот на вашата сакана личност? Кој е најквалитетен?
01.01.2023
Претставници на „Ролекс“ рекоа дека работата на објектот од 9.000 квадратни метри во Ромонт, Швајцарија, ќе започне во втората половина на 2023 година, а производството се очекува да започне во 2025 година. Исто така, ќе има привремен објект во индустрискиот парк „Вивие“ (Vivier SA) во Вила-Сен-Пјер, Швајцарија, кој ќе започне со работа во 2024 година, како и центарот за вработување во Буле.
Depositphotos
„Ролекс“ соопшти дека производните линии ќе се инсталираат постепено, а вработувањето ќе биде скалесто и би можело да достигне од 250 до 300 работници, од кои повеќето ќе бидат нововработени. Работниците ќе бидат обучени во Ромонт пред да бидат префрлени во Буле, откако локацијата ќе биде подготвена.
„Новата производствена локација во Буле, исто како и овие три привремени капацитети, ќе му овозможат на 'Ролекс' да го прошири својот производствен обем, ќе го поддржат растот и ќе одговорат на зголемената побарувачка“, велат од компанијата.
„Ролекс“ е под контрола од фондацијата именувана по нејзиниот основач Ханс Вилсдорф и произведува околу милион часовници годишно, генерирајќи продажба од околу осум милијарди швајцарски франци, според проценките на „Морган Стенли“.
