Бродњак, НЛБ: И покрај повисоката дивиденда, не се откажуваме од аквизиции

„Одработевме подобро отколку што планиравме. Веруваме дека растот на приходите ќе продолжи и дека 40 отсто од годинашната добивка ќе можеме да издвоиме на дивиденди и во 2025 година“, им ветува Блаж Бродњак на акционерите на Нова Љубљанска банка (НЛБ), по објавувањето на резултатите од операциите минатата година. Истовремено, главниот извршен директор, кој зборуваше за „Блумберг Адрија“, уверува дека и покрај повисоката дивиденда, тие сè уште се во потрага по потенцијални можности за преземање. НЛБ објави и дека годинава банката размислува за нова емисија на приоритетни должнички хартии од вредност во износ од 300 милиони евра, во зависност од пазарните услови.

НЛБ лани оствари добивка од 550,7 милиони евра, што е за 103,8 милиони евра или 23 отсто повеќе на годишно ниво. За дивиденди во 2024 година банката планира повторно да исплати 40 отсто од добивката од претходната година во две транши. Тоа значи 220 милиони евра, што е вкупно 11 евра по акција или 100 отсто пораст во однос на претходната година.

Рекордна добивка на НЛБ, дивидендата повисока за 100 отсто

Дали повисока дивиденда во 2024 година значи крај на потрагата по можности за преземање?

Бродњак: Веруваме дека ќе успееме да оствариме доволно ниво на приходи и во наредните години. Како резултат на тоа, и следната година ќе можеме да поделиме најмалку 40 отсто од годинашната добивка на акционерите. Овој чекор на зголемување на исплатата на дивиденда не влијае на органскиот раст на компанијата.

И покрај повисоката дивиденда, тактичкиот капацитет за спојување е сè уште на четири милијарди евра, средства приспособени на ризик, и нема многу реални потенцијални цели за таа вредност. Ние се стремиме кон рамнотежа: делиме повеќе профит со акционерите, но одржуваме доволно резерви за можни аквизиции од средна големина.

Како изгледаа минатата година другите банки од групата НЛБ?

Бродњак: Сите банки работеа позитивно и придонесоа за добриот резултат на групата. Најголема добивка од 269,6 милиони евра остварила НЛБ Љубљана, а по неа е НЛБ Комерцијална банка, со добивка од 131,7 милион евра. 

Целото интервју на линкот.