„Македонски Телеком“ АД Скопје во првите три месеци од годинава оствари нето добивка од 551 милион денари (8,9 милиони евра), што е зголемување за 15,2 проценти во однос на истиот период минатата година кога компанијата имала добивка од 478 милиони денари (7,7 милиони евра), покажува неревидираниот биланс на успех на компанијата објавен преку Македонската берза.
Од компанијата информираат дека кај приходите од продажба на крајот од првите три месеци од 2024 година се бележи зголемување од три проценти во споредба со истиот период од претходната година.
„Во рамки на приходите од основниот бизнис се бележи раст од 5,5 проценти кај мобилните услуги, додека во фиксниот сегмент има благо опаѓање од 1,3 проценти споредено со истиот период од претходната година“, наведуваат од компанијата.
Прочитај повеќе
Србинот Митиќ влегува во Одборот на директори на „Македонски телеком“
Неговиот избор треба да се случи на 15-ти месецов, за кога е закажана седница на собранието на друштвото.
05.04.2024
Профитабилноста на „Македонски телеком“ урива рекорди
„Македонски телеком“ и натаму ја има лидерската позиција на пазарот на електронски комуникации во Македонија.
06.03.2024
Како заштедите влијаеја на растот на добивката на „Македонски телеком“
Годината ја заврши со раст на приходите од продажба на странски пазари за 13 отсто во однос на претходната година.
28.02.2024
Како „Македонски Телеком“ ја зголеми профитабилноста?
Пазарот на мобилната телефонија порасна побрзо од бројот на претплатници на „Македонски Телеком“ - компанијата го намали пазарниот удел за 0,8 п.п.
01.11.2023
ББА-анализа: Ќе има разводи и нови врски кај телеком-операторите
Иднината е во одвојување на инфраструктурата во посебни единици и во соработка со компании од други индустрии.
23.08.2023
Оперативната добивка пред камати, оданочување и амортизација (ЕБИТДА) во првите три месеци од 2024 година е зголемена за 4,4 проценти во споредба со истиот период од претходната година. ЕБИТДА маргината во првите три месеци од 2024 година е зголемена и изнесува 42,2 проценти во споредба со 41,4 проценти на крајот од истиот период од претходната година.
„Продолжуваме со одлични резултати и во 2024 година мотивирани од нашите корисници и посветени на градење на најдобрата мрежа. Остануваме доследни на целта да овозможиме супериорна услуга и корисничко искуство, ширејќи ја инфраструктурата, како основа да им го испорачаме најдоброто на корисниците“, истакна Никола Љушев, главен извршен директор на „Македонски Телеком“ во коментарот на резултатите на компанијата за првото тримесечје од 2024 година.
Тој додава дека и покрај сите предизвици кои денес глобално влијаат на бизнисите, компанијата инвестира во најновите технологии со цел да ги поврзе сите секаде и за да овозможи еднаков пристап во дигиталниот свет.
„Го водиме патот кон дигитална трансформација на бизнисите и општеството. Тимски и посветено работиме да бидеме повеќе од давател на услуги, којшто им нуди на корисниците вистински вредности и придонесува кон одржлива иднина за сите“, вели Љушев.
.webp){kind=icon}
