Како „Македонски Телеком“ ја зголеми профитабилноста?

„Македонски Tелеком“ во првите девет месеци од 2023 година оствари многу низок раст на приходите од продажба од еден процент споредено со истиот период лани. Категориите што го предводеа растот на приходите се мобилните услуги (5,3 проценти споредено со истиот период лани) и фиксната телефонија (4,3 проценти споредено со истиот период лани).

Пазарот на мобилната телефонија порасна побрзо од бројот на претплатници на „Македонски Телеком“ - компанијата го намали пазарниот удел за 0,8 п.п., а бројот на претплатници се зголеми за 2,8 проценти. Растот на постпејд корисниците, а со тоа и на приходите, е сеприсутен, делумно поради миграцијата од припејд, поради што следствено опаѓаат и приходите од припејд. Приходите доаѓаат и од мобилниот интернет, кој им овозможува на корисниците постпејд тарифни пакети, како и интернет во роаминг.

Сегментот на мобилната телефонија со својата комерцијална политика доведе до зголемување на просечниот приход по корисник (ARPU) во првите девет месеци од годинава за 2,1 проценти во однос на истиот период минатата година - што претставува забрзување на растот бидејќи во првата половина од годинава приходите беа повисоки за 1,9 проценти во споредба со првата половина од 2022 година. Приходите од големопродажба се зголемени во третиот квартал од 2023 година, иако се‘ уште се пониски во однос на истиот период минатата година - првите девет месеци од оваа година се пониски за 0,9 проценти во однос на истиот период минатата година (приходите на крајот на првата половина од 2023 година беа пониски за 1,4 проценти во споредба со првата половина од 2022 година).

Резултатите од инвестирањето во оптичката мрежа резултираа со зголемување на бројот на пристапи, така што „Македонски Телеком“ оствари раст од 13 проценти (забрзување на растот за два п.п. во однос на остварениот раст во првата половина од 2023 наспроти првата половина од 2022 година) задржувајќи го истиот пазарен удел во тој сегмент.

Системските интеграции и ИТ не остварија приходи како минатата година кога „Македонски Телеком“ оствари приходи во оваа категорија врз основа на проекти, така што падот од 60 проценти во оваа година не е изненадувачки.

„Македонски Телеком“ успеа да ги намали оперативните трошоци во првите девет месеци од 2023 година за 3,9 проценти. Причините за намалувањето може да се најдат во намалувањето на трошоците за продадените стоки и на материјалните трошоци. Проектите кои беа реализирани минатата година резултираа со намалување на трошоците на продадената стока за 13,5 проценти. Трошоците за електрична енергија поради промените на цените на глобално ниво во однос на 2022 година резултираа со намалување од 22 проценти. Зголемувањето на бројот на вработени и еднократните исплати на вработените резултираа со зголемување на тие трошоци за 3,9 проценти во однос на истиот период лани.

Стабилноста на приходите заедно со намалувањето на вкупните трошоци ја зголемија профитабилноста на „Македонскиот Телеком“. На крајот на третиот квартал, ЕБИТДА маржата достигна ниво од 43,9 проценти (во истиот период лани изнесуваше 39,9 проценти) со пораст на апсолутната вредност на ЕБИТДА од 11,6 проценти во однос на истиот период лани. ЕБИТ маржата се зголеми за 4,3 п.п. (во првите 9 месеци од 2023 година изнесува 20,9 проценти) како резултат на пониските трошоци оваа година.

Очекуваме дека приходите од продажбата на „Македонски Телеком“ ќе останат околу сегашните нивоа, пред се поради малиот пазар. Фокусот ќе остане на одржување на благиот раст на ARPU преку миграцијата од припејд во постпејд типови на деловни односи и понудата на пакети за мобилна телефонија на пазарот. Резултатот ќе биде дополнително забавување на растот на ЕБИТДА.