БЈД (BYD Co.), најпродаваниот автомобилски бренд во Кина, првично ќе понуди електрични возила во Германија, по цена меѓу 25.000 и 30.000 евра, изјави извршната потпретседателка Стела Ли во интервју за весникот „Франкфуртер алгемајне зонтагсцајтунг“ (Frankfurter Allgemeine Sonntagszeitung).
Земјите од Европската Унија (ЕУ) минатата недела со поделено гласање одлучија да воведат тарифи од дури 45 отсто за електричните возила од Кина, како одговор на брзината и софистицираноста на кинеските производители на електрични возила што им се закануваат на европските производители на домашен терен.
Се очекува ЕУ и Кина да ги продолжат разговорите за да најдат алтернатива за тарифите, можеби преку контрола на цените и обемот на извозот.
Прочитај повеќе
Како се изјалови големата европска надеж за батерии за електрични возила?
Шведски „Нортволт“ долго се сметаше за европски конкурент на кинеските гиганти за батерии, а сега бизнисот се бори за опстанок по низата оперативни грешки.
08.10.2024
ЕУ гласаше за царини до 45 отсто за електричните возила од Кина
Европската Унија денеска гласаше да воведе тарифи на електричните возила од Кина, потег што ќе ги зголеми трговските тензии со Пекинг.
04.10.2024
БЈД го прекина партнерството со „Мерцедес“ во Кина
Кинескиот производител на автомобили презеде целосна контрола врз заедничкото претпријатие во Кина.
17.09.2024
„Мислам дека ЕУ нема да прави повеќе компромиси. Лобито во автомобилската индустрија е навистина силно“, рече Ли во интервјуто.
БЈД инвестира милијарди долари во производствени погони во Европа, Азија и во Јужна Америка за да ги опслужи локалните пазари и да ги одбегне трговските бариери што се наметнуваат против кинеските електрични возила. Компанијата веќе има фабрика што работи во Тајланд, а поголеми производствени капацитети се градат во Унгарија, Бразил и во Турција.
„Фолксваген“ (Volkswagen), БМВ (BMW), „Рено“ (Renault) и други производители на автомобили се жалат на мешаните сигнали од креаторите на политиките на ЕУ, велејќи дека поставиле рокови за постепено укинување на автомобилите со мотори со согорување и намалување на нивото на емисии на возните паркови, но потоа ги отстраниле субвенциите и сториле малку за да помогнат во инфраструктурата и намалувањето на трошоците.
Ли рече дека европските производители на автомобили не се конкурентни бидејќи им недостига конзистентна и сигурна политика за електрични возила.
„Заситениот висококонкурентен пазар ги направи кинеските производители на автомобили многу конкурентни. Сите производители во светот треба да учествуваат во овој натпревар. Тие што се двоумат и отстапуваат ќе загубат“, рече Ли во интервјуто за „Франкфуртер алгемајне зонтагсцајтунг“.
.webp){kind=icon}
