.webp){kind=icon}
Наместо на сензационализам, мерките треба да се базираат врз анализа и економска логика, што не е случај со мерката за замрзнување на цената на лебот, која влијае на пазарната економија и слободниот пазар, вели Сашо Дукоски од Сојузот на стопанските комори (ССКМ) во интервју за „Блумберг Адрија“ и додава дека мерката е избрзана и непромислена.
Тој критикува дека мерката е донесена без консултација со бизнис-секторот и дека ќе има негативни ефекти на пазарот.
„Во текот на минатата година имаше иста мерка, која не само што не даде резултати туку предизвика и дополнителни проблеми“.
Според Дукоски, избрзана е и најавената мерка за укинување на субвенциите за струја за компаниите од прехранбениот сектор.
„Доколку постојат претпријатија што злоупотребуваат одредени субвенции, тие треба да бидат санкционирани поединечно. Не треба да се зборува за колективни мерки, туку поединечни казни за тие субјекти што ја прават таа дисторзија на пазарот“, посочи тој.
Целиот разговор со него погледнете го на видеото поставено во рамките на објавата.
